Qalerallit nutaamik akitsuuserniarpaat
![](/sites/default/files/styles/image_934x467/public/article_images/hellefisk_2_630_9.jpg?itok=OVAgdSZb)
Sinerissap qanittuni qalerallit pisarineqartut amerlanersaat suliareqqinneqaratik nunanut allanut aallarunneqartarput.
Taamatuttaaq aamma ippoq avataasiorluni qaleralinniarnermi pisat amerlanerpaartaat nunani allani suliffissaqartitsimmata.
Maanna Naalakkersuisut siunniuppaat avataasiorluni aalisartunut akitsuutinik atuutilersitsiniarlutik. Qalerallit suliarineqaratik nunatsinniit anninneqaraangata kilomut 2,50 koruunimik akitsuusiisoqartalissaaq. Taamatuttaaq pisoqartassaaq umiarsuaatillit arlaat pisaminik allamiunut tunisaqassappat.
Misileraalluni aalisarnermi pisat akitsuuserneqartassanngillat. EU-mik suleqateqarnissamut isumaqatigiissut aqqutigalugu EU-meersut pisassinneqartut aamma akitsuusiiffigineqartassanngillat.
Taamatut akitsuusiisalernissaq Inatsisartut ukiaanerani katersorneranni oqaluuserineqassaaq.