Qaleralinnut akitsuusersuinissaq akuersissutigineqarpoq

Qaleralinnut akitsuusersuinissaq Inatsisartut ullumi pingajussaaneerneqarmat amerlanerussuteqartut akuersissutigaat. Taamaalilluni qalerallit tunisat tamarmik ukiumi nutaamit procentinik tallimanik akitsuusersorneqartussanngorput.

Aamma atuaruk GE: Kiilumut akitsuusiineq pitsaaneruvoq

Inuit Ataqatigiit Partii Naleqqallu inatsisissammut akerliullutik taasipput. 

Suliffeqarfiit aamma inuit avataasiorluni qaleralinniarnissamut pisassinneqarsimasut qaleralinnut kiilumut akitsuusersuisoqassasoq, Inuit Ataqatigiit allannguutissatut siunnersuutigigaluarpaat. 

Tamannali amerlanerussuteqartut itigartitsissutigaat taamaasilluni qalerallit tunisat tamarmik procentinik tallimanik akitsuusersorneqartussanngorlutik.

Aamma atuaruk IA: Qalerallit pillugit akitsuut tamakkiisuunngilaq

Sulisitsisut KNAPK-llu procentimik akitsuusersuinissaq akerleralugu tusagassiuutinut nalunaaruteqarput, taakkua akimik aalajangersimasumik akitsuusersuisoqarnissaa orniginartinnerugaluaramikku.

Akitsuutininngaanniillu nunatta karsianut 20 millionit koruunit isertitsissutaasussanngorput.

Aamma atuaruk Akitsuusersuiniarneq erseqqarinnerusoq ujartorneqarpoq