GE: Kiilumut akitsuusiineq pitsaaneruvoq
Taakku isumaqarput, akitsuutissaq taamatut isikkoqarluni aalajangiunneqassappat tamanna Nunatta iluani assigiinngitsumik akeqalersitsisinnaasoq.
Tamanna pillugu GE-mi aalisarneq pillugu siunnersorti, Bent Sørensen ima oqarpoq.
- Tunisinermi procentinngorlugu kiilumut akitsuusiisoqarani kiilumut akitsuusiisoqaannartarnissaa, GE-mit kissaatigigaluarparput, Bent Sørensen oqarpoq.
Naalakkersuisut allannguutissatut siunnersuutigaat, qalerallit tunisat 5 procentii akitsuuserneqassasut taamaalilluni Nunatta karsianut aningaasat 20 millioner koruunit isertinneqarnissaat siunertaalluni.
Aamma atuaruk Qaleralinnut akitsuusiiniarneq isornartinneqaqisoq tunuartinneqarpoq
Aalisartut suliakkersorneqaannassapput
Tunisat fem procentii akitsuuserneqassappata tamanna aalisartunut paasiuminaallunilu suliakkersuutaaginnassasoq, Bent Sørensen oqarpoq.
- Kiilumut akitsuusiinnginnerup pilersissavaa tunisinermi pissutsinik equgasoqalerneq soorlu assartuineq eqqarsaatigalugu aamma piffinni ataasiakkaani assigiinngissitaarnerit malillugit akilersuisoqassappat tamanna aamma equgalissalluni.
Aamma atuaruk IA: Qalerallit pillugit akitsuut tamakkiisuunngilaq
Naliginnaasumik akitsuusiineq pitsaaneruvoq
Bent Sørensen aamma oqarpoq procentinik akitsuusiineq pinnagu akitsuut naliginnaasoq suliariuminarnerusorlu atulerneqarpat tamanna kikkunnut tamanut pitsaanerussasoq.
- Uani akit piffinniit piffinnut assigiinngitsuuneri allallut tamassumunnga attuumassuteqartut naatsorsuiniarnermut ajornartoriutaasinnaapput. Kiilumulli akileraarut aalajangersimasuuppat tamassuma naatsorsornissaa ajornannginneruvoq taamatullu tamanna tamanut assigiimmik eqquissalluni.
Nunatsinni sulisitsisut peqatigiiffianni,GE-mi aalisarneq pillugu siunnersorti, Bent Sørensen taama oqarpoq.
Inatsisissatut siunnersuut taanna aqagu Inatsisartuni aappassaaneerneqassaaq novembarillu 17-anni pingajussaaneerneqassalluni.
