Qaasuitsup Kommunia marlunngorlugu avikkumagaat
Kommunalbestyrelsi pingasunngormat immikkut ittumik ataatsimiippoq, ilaatigut kommunip avinneqarsinnaanera oqaluuseralugu.
- Kommuni avinneqassasoq, Kommunalbestyrelsi tamarmiusoq isummerpoq, Qaasuitsup Kommuniani borgmesteri Ole Dorph KNR-imut oqarpoq.
Kukkunersiuisartut suliffeqarfiutaata BDO-p nalunaarusia kommunalbestyrelsip oqallinneranut tunngavissiissuuvoq.
Aamma atuaruk Nalunaarusiaq: Kommunip avinnissaa akisussaaq
Kommuni avinneqassagaluarpat suut kingunerujumaarnersut, nalunaarusiami, Naalakkersuisunit imissutaasumi, misissuataarneqarput.
Nalunaarusiami piumaarsinaasut pingasut oqaluttuarineqarput, Ole Dorphilu naapertorlugu kommunalbestyrelsip piumaarsinnaasut pingajua toqqarpaa, taannalu kommuni avannaaniittumut kujasinnerusumiittumullu avinneqarnissaanik isumaqarpoq.
Kommunimi avannaaniittussami illoqarfiit Ilulissat, Upernavik, Uummannaq aamma Qaanaaq ilaassapput.
Kommunimilu tassa kujasinnerusumiittussami Aasiaat, Kangaatsiaq, Qasigiannguit aamma Qeqertarsuaq ilassapput.