Qaasuitsumi meeqqanut suliniutit Meeqqat oqaaseqartartuata tapersersorpai
Qaasuitsup Kommuniata "Nipaanneq atorunnaaruk"-mik atserlugu qitiusumik nakkutilliisussanik pilersitsivoq, meeqqanik sumiginnakkanik aamma kinguaassiutitigut kanngutsaattuliorfiginninnermik nalunaaruteqartoqartillugu sukkasuumik qisuariartartussanik.
- Qaasuitsup Kommuniani angalereernerma kingorna pissutsit meeqqanut inuusuttunullu toqqissisimannanngitsut takuakka. Inuit nalunaaruteqarnissaminnut qunusarput - taamaattumik meeqqat inuusuttullu sumiginnarneqartarput, Meeqqat Oqaaseqartartuat allappoq, nangillunilu, Kommuni angalaffigisara taannarpiaq qitiusumik nalunaaruteqartarfimmik pilersitsisuni siullersaammat pitsaasuuvoq.
- Tamaana tapersersussavara, Aviâja Egede Lynge allappoq.
Aamma atuaruk Qaasuitsup Kommuniani nalunaaruteqartarneq ajornannginnerulissaaq
Meeqqat Oqaaseqartartuata neriuutigaa Qaasuitsup Kommuniata qitiusumik nakkutilliisoqarfimmik pilersitsineratulli kommuneqarfiit allat assingusumilluunniit pilersitsiumaartut.
- Illoqarfinni nunaqarfinnilu inunnut tamanut meeqqanut inuusuttunullu tunngasunik eqqaserlunnartunik nalunaaruteqarneq, kommunimi sorlermiluunniit nalunaaruteqaraluaraanni, toqqisisimanartuussaaq. Meeqqat inuusuttullu pisinnaatitaaffeqarput illersorneqarnissaminnut, tamatumalu naammassineqarnissaa inersimasut pisussaaffigaat, Aviâja Egede Lyngep erseqqissaassutigaa.
Meeqqat Oqaaseqartartuata ukiaanerani 2015-imi Qaasuitsup Kommuniani angalaarnera tusagassiorfitsigut oqallitsitsisorujussuup inerititaqartussatut isikkoqalernera nuannaarutigaa.