Qaasuitsumi isumaqatigiissutissaq piareerpoq
Ole Dorph, Siumut, ilisimariikkatsitut, Qaasuitsup Kommuniani borgmesterinngorpoq, borgmesteriusimasorlu, Jess Svane, aamma Siumut, borgmesterip tullersortaatut siullertut inissippoq. Tamakku tassa ersarissereerput, kommunerujussuarmili tassani politikkikkut inissitassat tamarmik inissinneqareerput.
Ole Dorph Radioaviisimut oqarpoq, ataatsimiititaliat tamarmik inuttalerneqareersut, suleqatigiinnissamillu isumaqatigiissut atsiorneqariaannaasoq.
Tamatuma suli pinnginneranut pissutaavoq, politikerit assigiinngitsut najukkamikkut imminnut ungasissorujussuummata, taamaammat kommunalbestyrelsep nutaap ataatsimiinnissaanut qaaqquneqarnissartik utaqqisariaqarlugu. Tamanna pissaaq Inatsisartuni angajullersaq, Bernhardt Olsen ataatsimiigiaqqusippat.
Qaasuitsup Kommuniani ukiuni sisamani tulliuttuni suut pilersaarutaanersut uatsi paasissavavut. Ole Dorphimi oqarpoq, isumaqatigiissut atsiorneqareerpat suna isumaqatigiissutigineqarsimanersoq pisortatigoortumik saqqummiunneqarumaartoq.
