Qaanaami tunisassiorfiup mattannik pisiortornini ullumi aallartippaa
Umiarsuup siulliup Qaanaamut juulip aallartilaarnerani tikereerneratigut qerititsivimmi uninngasuutigineqartut ilanngarneqareersimalermata maanna qaleralinnik tunisineq unereermat, mattannik tunisineq ingerlanneqalissaaq.
Qaanaami tunisassiorfik Royal Greenland A/S-imit Qaanaamilu piniartut aalisartullu piginneqatigiillutik ingerlatseqatigiiffiannit Inughuit Seafood A/S-imit pigineqartoq maanna mattannik pisiortorluni aallartippoq, taama nalunaaruteqarluni Royal Greenland allappoq.
Aamma atuaruk VIDEO Qaanaami piniartut pisaminnik tunisisinnaanngillat
Inughuit Seafood A/S-ip tunisassiorfia 2014-imi juulimiit oktobari ilanngullugu mattaat katillugit 10 tonsit pisiarai.
Qaanaami mattannik pisiortorneq ukioq manna sikumi qaleralinniarnerup aallartinnissaata tungaanut ingerlanneqassaaq.