Aqutsiveqarfinnili taakkunani taamaallaat piniagaassapput, nunatta sinnerani eqqissisimatitaallutik.Assi: Outward_bound/Flickr Creative Commons

Qaanaami Ittoqqortoormiinilu amaqqut ukioq naallugu piniarneqarsinnaasut

Naalakkersuisut amaqqut pillugit nalunaarut nutaat sisamanngornermi akueraat. Taamaalilluni Qaanaami Ittoqqortoormiinilu amaqqut ukioq naallugu piniarneqarsinnaalerput.

Naalakkersuisut amaqqut pillugit nalunaarut nutaaq ippassaq akueraat.

Taamaalilluni Qaanaami Ittoqqortoormiinilu piniarnermik inuussutissarsiuteqartut ukioq kaajallallugu amaqqunik pisaqarsinnaalerput.

Aqutsiveqarfinnili taakkunani taamaallaat piniagaassapput, nunatta sinnerani eqqissisimatitaallutik.

Amaqqut pillugit nalunaarutip nutaap Qaanaap Ittoqqortoormiillu aqutsiveqarfianni amaqqut piniakkanut neqissaqarniarnermut pingaaruteqartunut akornusiinerisa millisarneqarnissaat pingaarnertut siunertaringaa, Naalakkersuisut tusagassiuutinut nalunaarumminni allapput.

AAMMA ATUARUK Issittup amarua nunatsinni immikkuullarissuusoq

Pisassat amerlassusaat Naalakkersuisut aalajangertassagaat, nalunaarummi allaqqavoq. Pisassat qanoq amerlatigissanersut kingusinnerusukkut nalunaarutigineqassasoq, taakku allapput.

Pinngortitaleriffik: Amaqqut piniarneqartarnerat pillugit sukumiisumik ilisimasaqartoqanngilaq

Pisassiinerit ilisimatuussutsikkut siunnersuinerit Pinngortitaleriffimmeersut eqqarsaatingalugit aalajangerneqartassasut, nalunaarummi allaqqavoq.

AAMMA ATUARUK Amaqqut pillugit ilisimasakippallaarpugut

Pinngortitaleriffiup amaqqut pillugit siunnersuinerani kingullermi 2019-imeersumi ima allassimasoqarpoq:

- Pinngortitaleriffiup innersuussutigerusuppaa amaqqut aatsaat pisarineqartalissasut amerlassusaat sukumiinerusumik ilisimaneqalerpat, nungusaataanngitsumillu piniarneqarsinnaalersimanerat uppernarsarneqarsinnaalerpat.

Amaqqut piniarneqarnerannut inatsit ullumikkumiit atuutilerpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat