Nunat tamalaat sillimanissaq pillugu Tysklandimi Münchenimi ukiumoortumik ataatsimeersuarneranni USA-p Ruslandillu akornanni silaannaq nillerteqqilerpoq.
USA nunarsuarmi naalagarsuaaniarnerarlugu Ruslandip præsidentiata Vladimir Putinip pisuutitsinera Amerikkamiut ajuallaatigaat.
Vladimir Putin sakkortuumik isornartorsiuivoq oqarluni; Amerikamiut politikkiat, amerikamiunik nunarsuarmi aalajangiinerpaasussatut inissitsitsiniartoq nunarsuarmioqatigiinnut navianartorsiortitsisoq.
Putinip sakkortuumik uparuaanera USA-p illersornissamut ministeriata Robert Gatesip akuersaarneqarsinnaannginnerarpaa, qangalu sorsunnerup nillertup nalaani pissutsinut assersuullugu, Russillu NATO-mut suleqataanerat erseqqissaatigalugu.
Vladimir Putinip isornartorsiuinera USA-mi naalakkersuisut tupaallaatigaat ajuallaatigalugulu.
Ingammik sorsunnerup nillertup kingornagut pisimasunut ajunaarnernullu USA akisussaanerarlugu pisuutitsinera Amerikamiut ajuallaatigeqigaat DR-mi allaaserineqarpoq.