Putin Tyrkiamut tikeraartussanngortoq
Ruslandip præsidentia, Vladimir Putin, Tyrkiamut ungasissorujussuaanngitsukkut tikeraartussanngortoq, Tyrkiap nunanut allanut tunngasuni ministeria Hakan Fidan ilisimatitsivoq.
- Tikeraartoqarnerani assigiinngitsunik oqaluuserisassaqarpoq, nunat allanut tunngasuni ministeri sapaammi unnukkut oqarpoq.
Ruslandip Ukraine saassummaguli Tyrkiap Ruslandillu niueqatigiinnerat, Tyrkiap præsidentiata Recep Tayyip Erdoganip attassimavaa, soorlu aamma politikkikkut attaveqaatit attassimagai Ukrainemillu niueqatigiinneq aamma attassimallugu.
Putinip tigusarineqarnissaa nunat tamalaat eqqartuussisuuneqarfiata siorna marsimi naalakkiutigaa.
Putin Ukrainemiut meeraannik aallarussisimasutut unnerluutiginerpoq.
Nunat assigiinngitsut nunat tamalaat eqqartuussisuuneqarfiata pilersinneqarneranut atsioqataasimasut, assersuutigalugu Putinip tigusarineqarnissaanut taamaasillutik pisussaatitaalerput, Tyrkiali nunat tamalaat eqqartuussisuuneqarfiata pilersinneqarneranik atsioqataanikuunngilaq.