Putin: Issittoq Ruslandip ilagivaa avissaartitaasinnaangitsoq
Danmarkip issittumi imartap naqqa 895.000 kvadratmeterinik angitigisoq aatsitassanillu, uuliamik gassimillu annertuupilussuarnik pisuussuteqarfiusoq piginnittussaaffigiumallugu ukiut pingasut matuma siorna piumasaqaatigaa.
Ruslandillu Qalasersuarmi immap naqqa tamannarpiaq aamma piumasaqaatigisimavaa.
Ruslandip præsidentiata Vladimir Putinip ukiumoortumik tusagassiortunik katersortitsinermini erseqqissaatigaa sumiiffik pineqartoq Ruslandip ilagigaa avissaartinneqarsinnaanngitsoq, nutaarsiassaqartitsivik AFP taama allaaserisaqarpoq.
Ruslandip piginnittussaanermik piumasaqaatigisaa 1,2 millionit kvadratkilometerinik angissuseqarpoq.
Putinillu oqaatigaa Issittup ilisimatusarfigeqqinneqarnissaa Ruslandimit salliutinneqartut ilagigaat.
Sumiiffiup nunaviit arlaannut atanera Naalagaaffiit Peqatigiit nunarsuarmi nunaviit qanoq imminnut atanerat pillugu ataatsimiittartoqatigiivinit aalajangiiffigineqartussaavoq.
/ritzau/
