Pujuerukkiartorpoq – ilaasussallu aallarsinnaanngungajalersut Air Greenland neriorsuivoq
Air Greenlandimut ilaasussarpassuit nunatsinni sumiiffinni assigiinngitsuniittut ulluni arlalinni aallanngitsooqqareerutik timmisartup igalaavatigut isiginnaarsinnaanngungajalerput.
Air Greenlandip tamanna nalunaarutigaa.
Timmisartuutileqatigiiffiup timmisartumut ilaasussat 1000-it missaanniittut amerlanerpaartaat angalanissaminnut pilersaarummik nutaamik pissarsisimasut Facebookikkut nalunaarutigaa.
- Pituffik
- Qaanaaq
- Upernavik
- Uummannaq
- Qaarsut
- Ilulissat
- Aasiaat
- Qasigiannguit
- Qeqertarsuaq
- Sisimiut
- Kangerlussuaq
- Nuuk
- Maniitsoq
- Paamiut
- Qaqortoq
- Nanortalik
- Narsarsuaq
- Narsaq
- Tasiilaq
- Kulusuk
- København
Ullup ataatsip pingasullu iluanni aallarnissaannut pilersaarutaasoq, Air Greenlandip avammut attaveqaatilerisua, Inga Dóra G. Markussen KNR-imut paasissutissiivoq.
- Suli putserpoq, kisianni timmisartut arlallit qangattarput. Timmisartunillu inuttassaqartunik aamma atuutsitsilerpugut, taanna KNR-imut pingasunngornermi ullaakkut oqarpoq.
Timmisartumik aallarneq ajuleqqasorpassuit kisimi unammillernartuunngilaq, Ilulissanimi unnuiffissat tamarmik aamma ulikkaaqqapput. Taamaammat Air Greenlandip timmisartumut ilaasussarpassuit Danmarkimut ingerlaqqittussat Nuummut ippassaq timmisartuuppai.
Københavniliartussamik suli timmisartussarsinngitsut
Nunatta kitaani sapaatip akunnerata naanerani sapaatillu akunnerata aallartinnerani ussissumik putsernera pujorneralu pissutigalugit nunatta iluani timmisartut qangattarsinnaanngillat. Kinguaattoortut ataasinngormat amerlanerpaagamik kinguaattooqqasut 1.000-it missaanniipput.
Pingaartumik Kangerlussuarmit aallarneq ajuleqqasorpassuupput. Københavnimullu timmisartuussinissamut timmisartunik arlalinnik attartorniarneq ajornakusoorpoq.
AAMMA ATUARUK Anna ingerlariaqqinneq ajulertoq: Qanoq iliusissaarunnaqaaq
Tamanna Europami timmisartuutileqatigiiffiit ilungersuangaatsiarnerannik pissuteqarpoq, taamaammallu timmisartunik attartugassaqarpallaarnani. Air Greenlandilu timmisartumut piumasaqaatit immikkut ittut pissutigalugit Europamit kisimi attartorsinnaasoq, Inga Dóra G. Markussen paasissutissiivoq.
Air Greenland atlantikoq qulaallugu timmisartumut ilaasussat ingerlaqqissinnaalerniassammata timmisartumik Københavniliartussamik attartorniarluni suli suliaqarpoq.
Timmisartuutileqatigiiffiup kimmut sineriammit illuanut angalanissanut timmisartumut billettinik tuniniaanini juulip sinnerani unitsippaa.
