Nuummi akitsuineq: Busserniaruit ima akiliinerutigissaatit

22 koruunit. Nuup Bussiini inersimasunut qaammatikkaartumik kortit maajip qiteqqunneranit taama akisunerulertigissapput.
Assi © : Nuup Bussii
Allattoq Signe Haahr Pedersen
apriilip 08-at 2022 15:50
Nutserisoq Connie Fontain

Nuummi bussernissaq maajip ulluisa 16-iannit akisunerulissaaq.

Ingammik qaammatikkuutaartumik kortit akitsussapput.

Inersimasunut qaammatikkuutaartumik korti 556 koruuninik maanna akeqarpoq. Taanna 22 koruuninik akitsussaaq 578 koruuninik akeqalissalluni.

Meeqqanut soraarnerusutisiaqartunullu qaammatikkuutaartumik kortit 11 koruuninik akitsussapput, 276 koruuninik akeqalissallutik.

AAMMA ATUARUK Nuummi bussit unittarfii nutaat qorsunnissanngitsut

Illoqarfiit pingaarnersaanni bussinik arfineq-pingasunik ukiuni kingullerni marlunni pisisoqarsimanera akitsuinermut ilaatigut pissutaavoq.

Billitsinillu akitsuineq aningaasartuutinut taakkununnga matussuseeqataassasoq, Nuup Bussii A/S-p pisortaa, Mogens Andreas Nathansen, nassuiaavoq.

- Tamatuma saniatigut kommunip bussinik ingerlatsinermut tapiissutigisartagai sapinngisamik annikillisinneqassasut aalajangerpaa, taamaalilluni ingerlatsinermut tapit 100.000 koruunimik apparput.

Sorsunneq sillimmatissanut akisunerulersitsisoq

Billitsinik akitsuineq inunnut akissaqarpallaanngitsunut sakkortusinnaassasoq, bussini pisortatp paasisinnaavaa:

- Paasisinnaalluarpara. Assigiinngitsorpassuarnik akitsuisoqartoq tusartuarparput. Assersuutigalugu Ukrainemi sorsunneq pissutigalugu, Mogens Andreas Nathansen oqarpoq, nangillunilu:

- Sorsunneq tamatsinnut eqquivoq. Soææo,aterpassuit pissarsiarisartakkagut Danmarkimit Tysklandimiillu tikisittarpagut. Taamaammat taakku aamma akitsussapput.

Her kan du se, hvor meget buspriserne stiger i Nuuk fra 16. maj. Foto: Nuup Bussii A/S

 

Nuup Bussii Kommuneqarfik Sermersuumit pigineqarput.

Taamaammat angallassinissaq illoqarfimmi politikkikkut aalajangiiffigisassaasoq, Morten Andreas Nathansen erseqqissaavoq.

Taassuma bussit politikerit oqallisigisassaminni pingaarnerutilaartassagaat kissaatigaa.

- Soorunami. Kingullermik kommunimut qinersisoqarnerani bussit Savalimmiunitut Luxemborgimitullu akeqarunnaarnissaat arlaata oqaatigigaa tusaanikuuara. Tassungali tunngatillugu iliuuseqartoqanngilaq. Mogens Andreas Nathansen oqarpoq, nangillunilu:

- Taama iliuuseqarnerput politikkikkut aalajangikkamut tunngassuteqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk