Nuummi bussit unittarfii nutaat qorsunnissanngitsut

Nuummi bussinut unittarfitoqqat arfinillit nutaaliaanerusunik, akimut ersittunik qullilinnillu taarserneqassapput.

Unittarfitoqqammi ajoquteqartut, Kommuneqarfik Sermersooq nittartakkamini allappoq.

- Bussit unittarfii arlaqartut ullumikkut atorneqartut aserorterneqartarput. Iikkat qalipanneqarsimasut, bussit ingerlaviisa pilersaarutaat allattorsimaffii alittorneqarsimasut kiisalu quiffigineqartarneri naammattuugassaasarput, kommuni allappoq.

Unittarfiilli nutaat akimut ersinnerisa iliuusipiluit taamaattut ikilisissavaat.

Unittarfiittaassallu qulleqassapput.

- Unnukkut bussinut ilaasussanut bussit unittarfiini toqqissillutik utaqqisinnaanngornissaat anguniarlugu bussit unittarfii nutaat qullinik LED-nik pilersorneqassapput. Bussit unittarfii qullilersorneqarnerisigut ilaasussanik utaqqisoqarnersoq bussini aquttunit takujuminarnerulissaaq, Kommuneqarfik Sermersooq allappoq.

Bussit unittarfii nutaat assigiinngitsunik angissuseqassapput, qanorlu anorlertigisumiissinnaanersut paasiniarlugu anorlernerpaaffiusartunut inissinneqassallutik.