Prins Joachimip Frankrigimut nuunniarluni siorna aalajangerpaa. Matumanilu franskit sakkutooqarfianni sakkutuutut ilinniarfimmi Ecolé Militaire-imi pisortatut ilinniarneq qaffasinnerpaaq ilinnialerlugu. Assi: Scanpix

Prins Joachim taqqamik milittoornermi kingorna napparsimmavimmit angerlartoq

Prins Joachim maanna dronning Margrethep vinslotsiani, Château de Cayximiippoq.

Prins Joachim sapaatip akunnerata siuliani qaratsamigut milittoornermi kingorna suliaritiffigisaminit, Frankrigimi napparsimmavimmit ataasinngornermi unnukkut angerlartinneqarpoq.

Kunngikkormiut tusagassiuutinut nalunaaruteqarlutik paasissutissiipput.

- Prinsip peqqissusaa pitsanngormat, kunngikkormiu ataqqinartoq napparsimmavimmit angerlartinneqarsinnaalersoq nakorsat nalilerpaat, kunngikkormiut allapput.

AAMMA ATUARUK Prins Joachim pitsanngoriartorpoq - ajoqutigilikkamillu kingunerluuteqassanani

Prins Joachim maanna dronning Margrethep vinslotsiani, Château de Cayximiittoq paasissutissiissutigineqarpoq.

- Prinsip eqqissisimatinneqarnissaa ilaqutariit suli kissaatigigaat, kunngikkormiut allapput.

Prins Joachimip prinsesse Mariellu napparsimmavimmi sulisut isumaginnilluarnerannut qujassuteqarfigaat.

Prins Joachim Frankrigip kujataani illoqarfimmi Cahorsimi juulip ulluisa 24-anni tallimanngornermi unnukkut napparsimmavimmukaanneqariataarpoq.

Tassangalu Toulousemi Universitetshospitalimut erngertumik nuutsinneqarluni.

AAMMA ATUARUK Prins Joachim Frankrigimi napparsimmavimmi uninngasoq

Prins Joachimilu napparsimmavimmi tassani iluatsilluartumik suliaritippoq. Prinsillu qaratsamigut milittoornini kingunerluutigissanngilaa.

Prins Joachimip napparsimmavimmut unitsinneqarnissaanut ullut marluk sioqqullugit prins Joachimip nuliamilu prinsesse Mariep prins Felixip 18-iliinera vinslottimi Cayximi nalliuttorsiuutigaat. Felixip arnaa, Alexandra aamma peqataavoq.

Prins Joachim Frankrigimut nuunniarluni siorna aalajangerpaa. Matumanilu franskit sakkutooqarfianni sakkutuutut ilinniarfimmi Ecolé Militaire-imi pisortatut ilinniarneq qaffasinnerpaaq ilinnialerlugu. 

Prins Joachimilu Parisimi Danmarkimip sillimaniarnermut suliaqarneranut septembarip aallaqqaataaniit suliaqalertussatut nutaatut ukioq manna siusinnerusukkut toqqarneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat