Prins Henrik puammini tinuneqartoq
Kunngikkormiutut Ataqqinassusilik Prins Henrik Rigshospitalip puakkut nappaatinut misissuiviani puammini saamerlermi tinuneqalersimanini pissutigalugu misissorneqarluni januaarip 28-anili uninngavoq.
Tinuneq qujanartumik naviananngitsoq paasineqartoq, Kunngikkormiut Attaveqaqatigiinnermut immikkoortortaqarfiat tusagassiorfinnut nalunaaruteqarluni taama ilisimatitsivoq.
AAMMA ATUARUK Prins Henrik Rigshospitalimut unitsinneqartoq
Prinsi puakkut aseruuttoornerminik katsorsartinniarluni aseruuttoornernut immikkoortortaqarfimmut ullumi tallimanngornermi nuunneqassaaq kingornalu Fredensborg Slottimiissalluni. Dronningi ullumi Fredensborg Slottimut nuussasoq, kunngikkormiut taama paasissutissiipput.
Prins Henrik Igitsimini feeriartilluni napparsimmavimmut unitsinneqarnermi kingorna Sharm El Sheikimit sapaatit akunnerata siuliani sapaatikkut Københavnimi Rigshospitalimukaanneqarpoq.
Prins Henriup ukiumi qaangiuttumi napparsimalersimanerata kingorna tinuneqalersimanera tusarliunneqarpoq. Kunngikkormiut ukiaq nalunaarutigaat prinsi puigortunngornermik nappaateqalersimasoq.
AAMMA ATUARUK Prins Henrik puigortunngorpoq
