Dronning Margrethe: Prins Henrik puigortunngorpoq
- Kunngikkormiutut Ataqqinassusillip Dronning Margrethep hofmarskali ajoraluaqisumik ima nalunaaruteqaqqullugu qinnuigaa.
- Rigshospitalimi immikkut ilisimasallit ukiassariartulernerani sivisuumik misissuisimanerminnut, kingullertigullu arlalinnik aamma misissuinerminnut atatillugu maanna inerniliipput KunngikkormiututAtaqqinassusilik Prins Henrik puigortunngorsimasoq, Hofmarskali tusagassiorfinnut nalunaaruteqarluni taama allappoq.
Prinsip taamatut nappaateqalernera pissutigalugu paasinnissinnaanera ajornerulerpoq.
- Paasinnissinnaanerata sanngiillinera Rigshospitali naapertorlugu Prinsip ukioqqortussusianut naleqqiullugu annertuneruvoq aammalu pissusiatigut, qisuariaateqartarneranut, aalajangiisinnaassusianut misigissutsikkullu allannguutinik kinguneqarsinnaalluni, taamaalillunilu aamma avatangiisimut attaveqarniarneranut aamma sunniuteqassaaq, Hofmarskali taama allappoq.
AAMMA ATUARUK Prins Henrik Rigshospitalimiit angerlartoq
Prins Henrik aggustip qaammataani oqaaseqaateqarpoq nunarsuaq tamakkerlugu aalassaataasumik allaaserineqartumik.
Nuliami dronning Margrethep saniani ilineqarnissani kissaatiginagu nalunaarutigaa, kunnginngortinneqarsimannginnini naammaginnginnamiuk.
Kingorna aamma oqaatigaa dronningip illaruaatissanngortissimagaani.
AAMMA ATUARUK Nuliama illaruaatissanngortippaanga
AAMMA ATUARUK Dronningen og prins Henrik skal begraves hver for sig
Prins Henrik puigortunngornera pissutigalugu suliai ikilisinneqassapput, soorlu aamma illersuisutut ataqqinaatitullu atorfigisai isummerfigineqarumaartut.
- Dronningip ilaqutariillu kunngikkormiut kissaatigaat Prinsi maannamit eqqisisimaartinneqassasoq, Hofmarskali taama allappoq.
AAMMA ATUARUK Kunngissap ataatami aalajangernera aliasuutigigaa
