Prins Henrik Rigshospitalimut unitsinneqartoq
Prins Henrik Københavnimi Rigshospitalimi sapaatiummat unnukkut unitsinneqarpoq. Kunngikkormiut taama paasissutissiipput.
Prins Henrik januaari tamakkingajallugu Igitsinimiippoq, ullualuillu matuma siorna tassani napparsimmavissuarmut unitsinneqarluni.
Prins Henrik Danmarkimut maanna utersimalerpoq nakorsanillu misissugariteqqittussaalluni. Taamaammat maanna Rigshospitalimi uninngavoq, Kunngikkormiut taama allapput.
Prinsi 83-inik ukioqartoq 2017-ip ingerlanerani arlaleriarluni napparsimmavimmut unitsinneqarpoq.
AAMMA ATUARUK Prins Henrik puigortunngorpoq
Juulip qaammataani imeqqutamigut pilatsippoq, aggustimilu imeqqutamigut pilatsinnermi kingorna annialersimanini pissutigalugu aamma unitsinneqarluni. Dronningillu septembarimi nalunaarutigaa prinsip Rigshospitalimi sukumiisumik misissugarineratigut paasineqartoq puigortunngornermik nappaateqalersimasoq.
Tamatumunngalu atatillugu kunngikkormiut ilisimatitsissutigaat Prins Henriup pisortatigoortumik pisussaaffigisai killileqqinneqassasut. Prins Henrik 2015-ip 2016-illu nikinneranni soraarninngorpoq.
