Præsident Obama qinigaaqqippoq
Qinersinermi qinersisartut marluugaangata aappaata Romney tarpersersorpaat. Mitt Romney-p ajornarsarnini Barack Obama-mut ullaaq nalunaarutigaa. Barach Obama naalagaaffinni Pennsylvania-mi Michigan-imi Virginia-mi præsident-inngorniunnermilu ajugaanissamut aalajangiisuusumi naalagaaffimmi Ohio-mi ajugaavoq.
Barack Obama præsident-p illorsuani Det Hvide Hus-imiinnissani ukiuni tulliuttuni sisamani qulakkeeraluarlugu amerikami qinersisartunit tamakkiisumik tapersersorneqanngilaq.
USA-mi præsident-imut qinersinermi qinersisut kisinneqarnerat suli naammassineqanngiaq, taakkuali kisinneqareeriarpata Romney-mut Obama-mullu qinersinerit inernerat takuneqarsinnaalissaaq.
Obamap præsidentimut qinigaavoq, ilaatigut arnanit inuussuttunit qernertormiunit amerika kujallerminiunillu kingoqqisunit qinersiserpassuaqarluni.
Obama 2008 præsidentimut qinigaavoq qernertormiunit amerika kujallerminiullu kingoqqisunit taaguunneqarluarluni tamannalu unnuaq qinigaaqqinneranut pissutaavoq.
Sorsunnersuup kingorna amerikami præsident-imut qinersisarnermi, Demokraatit præsident-imut qinigaatitaani Obama præsident-itut ingerlaqqittut aapparaat.
Demokraatini Bill Clinton præsident-imut qinigaaqqittut siullersaraat. Bill Clinton Obama-p præsident-imut qineqqusaarnerani tapersersorluarpaa.