Politikerit tuttunniarneq inerteqqutigileraat
Qamuteralaat atorlugit tuttunniartoqarsimanera tuttullu qimaannakkat pissutigalugit ukiuunerani tuttunniarsinnaaneq inerteqqutigineqarallalerpoq.
Aalisarnermut piniarnermullu naalakkersuisoqarfik nittartakkaminni marlunngornermi taama nalunaaruteqarpoq.
Tuttunniarnerup ingerlaannartumik unitsinneqarnera tuttut arlallit pisarineqarsimasut quttoraaginnariarlugit qimanneqarsimanerannik pissuteqarpoq.
Qanoq sivisutigissanera nalunartoq
Inatsit atuuttoq naapertorlugu uumasumit pisarineqartumit nerineqarsinnaasut tamarmik angerlaannagit qimatsineq inerteqqutaasoq, naalakkersuisoqarfik tusagassiuutinut nalunaarummi paasissutissiivoq.
Tamatuma saniatigut tuttunniarnermi qamuteralannik atuineq inerteqqutaavoq.
Tuttunniarsinnaanerup unitsinneqarallaqqanera suliap sukumiinerusumik misissuiffigineqarnerani atuutissasoq, naalakkersuisoqarfik paasissutissiivoq.