Politiit: Ullaaq siusissukkut Nuummi Ceresvejimiissimaguit uagutsinnut attaveqarit
Nuup qeqqani ullaaq ikuallattoqarmat arnaq toquvoq.
Ikuallattoqarnera inissiaq pisoqaq ikuallappoq, inissiamilu najugaqartoq ajunaarluni.
Kalaallit Nunaanni Politiit upalungaarsimasuisa aqutsisuat, Brian Thomsen oqarpoq.
- Ikuallanneq nakkutigineqarsinnaalermat qatserisartut inuk toqungasoq nassaaraat. Taassuma toquneranut pissutaasoq suli ilisimaneqanngilaq, Brian Thomsen oqarpoq.
AAMMA ATUARUK Nuummi ikuallattoqarnerani arnaq ajunaartoq
Ikuallalerneranut pissutaasoq politiit aamma ilisimanngilaat. Ikuallattoqarnerani misissueqqissaartartut Danmarkimit inissiamik misissuiartulerput.
- Annerusumik misissuisoqarnissaa pisariaqarpoq, Brian Thomsen oqarpoq.
Taassuma inuit ullaaq nalunaaqutaq arfernup arfineq-pingasullu akornanni Ceresvejip eqqaaniissimasut misissueqqissaartoqarneranut iluaqutaasinnaasunik paasissutissaateqarunik politiinut attaveqarnissaannik kaammattuiffigai.
Ikuallattoqarnerata kingorna aqqusineq tamarmi matuneqarpoq. Brian Thomsenip oqarnera naapertorlugu tamanna politiit eqqissillutik suliaqarnissaannik pissuteqarpoq.
Politiit suliaq “pasinartumik toqusoqarneratut” misissuiffigaat. Toquneranut pissutaasoq nalugussiuk sooruna taama misissuisusi?
- Suliani ima ittuni toqusoqarneranut pissutaasumik misissuisartussaavugut. Pissutaasinnaasorpassuupput – kisianni inuup suna toqqutigineraa misissussallugu nalinginnaasumik misissuineruvoq, Brian Thomsen oqarpoq.
Brian Thomsen upalungaarsimasut aqutsisoraat. Assi: Rune Hvistendahl Kristiansen.