Politiit ulapissimapput: Annersaanerit sakkortuut ujaasinerlu

Kalaallit Nunaata politiivi tallimanngormat, ulapittussaanerussangagamik amerlanerussallutik nalunaaruteqarput. 

Eqquupporlu. 

- Ulappuppugut. Orniguffigut amerlapput, tigusarisagut aamma arlaqarput.

Kalaallit Nunaanni Politiit pigaartuisa pisortaat Andreas Nordentoft taama oqarpoq.

Imigassartorsimaneq peqqutaalluni ulapputeqartut.  

Saapatip unnuaani sakkortuumik annersaasoqarsimasumut ornigussimapput. 

Sakkortuumik annersaaneq, tilluaanermik isimmittaanermillu annersaaneq sakkortugaluaqisoq, pinerluffigitittoq ajoquserujussuanngilaq. 

- Pinerluffigitittoq napparsimaviliaanneqartariaqarsimasorli, politiit pigaartuisa pisortaat Andreas Nordentoftip oqaatigaa.

Pasineqartoq ataaseq tigummigallagaavoq. 

Arfinngorneq unnuakkut savimik kapitittoqartoq.

- Pasisaqanngilagut tigusarinninnatalu, tamanna massakkut paasiniarlugu suliarivarput.

Pinerluttuliorfigineqartoq napparsimavimmi ikiorneqarpoq, angerlareerlunilu. 

Kinguaassiuutitigut atornerluinerit

Uummannami Sisimiunilu sapaatip unnuaani kinguaassiuutitigut atornerluisoqarpoq. 

Kinguaassiuutitigut atornerluineq, sorpassuusinnaavoq: pinngitsaaliineq, kannguttaatuiorneq, peqqusiileqisitsinerluunnit. 

- Kinguaassiuutitigut kannguttaattuliornerit, illoqarfinni taakkunani inuit marluk tigusaapput, paasiniaaneq ingerlavoq, sassartitsissanerluta suli paasiniarparput, politiit pigaartuisa oqaatigaa.

Suliaq pillugu politiit annerusumik oqaaseqarsinnaanngillat, oqaatigisinnaavaali suliat tamarmik sakkortuuliorfiusut.

Nammineq kajumissutsimik ikiuullutik ujaaseqataasunut nersualaarinnippoq

Arfininngorneq unnukkut 37-nik ukiulik Qassiarsulialuni Narsarsuarmiit qajartorluni avalattoq ippassaq ujaarineqarpoq. 

Ujaasineq arfininngorneq tallimanut tanneq qulingiluat unitsillugu, politiit paasissutissiipput.

Ujaarineqartoq ajutoorsimasinnaanissaa ilimagineqarpoq.

- Ujaasinitsinni misissuinitsinnilu, tunulliafimmi tallimanngormat arfineq qeqqata missaani ajutoorsimanissaa iligaarput, politiit pigaartuisa pisortaat Andreas Nordentoft oqarpoq.

Politiit qanigisaasut qanimut attaveqarfigalugit oqaatigaat. 

Nammineq kajumissutsiminnik ujaaseqataasunut Politillit nersualaarinnipput qujallutillu.