Politiit ukiumoortumik naatsorsuineranni kukkuneq: Hashi arsaarinnissutigineqartoq suli annikinnerusoq
Kalaallit Nunaanni Politiit 2023-mut naatsorsuinertik pingasunngornermi marsip ulluisa 13-ianni saqqummersippaat. Kinguaassiutitigut pinerliinerit appariarsimasut tassani ilaatigut takutinneqarpoq.
Naatsorsuinermittaaq hashi 2022-mi arsaarinnissutigineqartoq 129,68 kiiluusoq 2023-mi 61,95 kiilu arsaarinnissutigineqarsimasoq aamma takutinneqarpoq. Tassa 70 kiilumik annikinnerulerluni. Tamanna KNR-ip allaaseraa.
Tamannali kukkunerusoq paasinarsivoq.
Kalaallit Nunaanni Politiit tusagassiuutinut nalunaarummi allapput.
- Haship arsaarinnissutigineqartup ataatsimoortup annertussusaata kisinneqarnera eqqortuunngitsoq paasivarput. Nuummi Qasigiannguanilu hashi arsaarinnissutigineqartoq 33 kiilup missaaniittoq kisitsimmut ataatsimoortumut ilaatinneqarsimannginnera paasinarsivoq, poltiiit allapput.
Taamaalilluni 129,68 kiilumit 96 kiilup missaata tungaanut suli appariarnerulluni, tassa hashi 34 kiilup missaannik annikinneruvoq.
Ukiumoortumik naatsorsuineq tamaat uani atuarsinnaavoq.