Politiit ukiortaami ulapittut

Politiit pingaartumik aalakoortoqarneranut atatillugu angerlarsimaffinni eqqissiviilliornernut orniguttariaqartarsimapput.
Politiet pingaartumik Nuummi ulapipput, aammali illoqarfinni allani orniguttariaqartarsimallutik. Assi © : Merete Lindstrøm, KNR
Allattoq Thomas Munk Veirum
januaarip 01-at 2020 17:18
Nutserisoq Ivik Kristiansen

Politiit ukioq manna unnuami ullaamilu siullermi ulapipput. Politiineersoq Malik Olesen KNR-imut taama paasissutissiivoq.

- Ullaap ingerlanerani ulapippugut. Aatsaat nalunaaqutaq qulit missaanni eqqissisimanerulerpugut, Malik Olesen oqaluttuarpoq.

Taanna naapertorlugu politiit aalakoortoqarneranut atatillugu pisunut ornigunnerupput.

AAMMA ATUARUK Nanortalimmi Café 44 piaaraluni ikuallatsinneqarsimasinnaasoq

- Tassaanerupput angerlarsimaffinni aqqusinernilu eqqissiviilliornerit, pagginnerit aalakoorpallaarlutillu imminut isumagisinnaajunnaarsimasutut nalunaarutiginninnerit, Malik Olesen oqarpoq.

Politiit pingaartumik Nuummi unnuaq nalunaaqutaq pingasut missaannit nalunaaqutaq qulit missaata tungaanut ulapipput, aammali illoqarfinni allani orniguttariaqartarsimasut politiineersoq oqaluttuarpoq.

AAMMA ATUARUK Nunatsinni politiit juullikkunni ulapinngitsut

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq