SAR-imik ujaasinerit: Politiit ujaasiffitsit annertusigaat
Politiit angutinik marlunnik sisamanngornermi ujaasillutik aallartipput. Ujaarineqartut taassaapput angut 26-nik ukiulik Niaqornat eqqaaniujaarineqarpoq, ujaarineqartup aappaa 60-inik ukiulik, Pavia Gotfredsen taanna Narsap eqqani ujaarineqarpoq.
- Nassaarinngilagut, taamaammat ujaasinerput nangeqqissavarput, pigaartut pisortaat, Lina Davidsen oqarpoq.
Ujaasiffinni marlunni qulimiguullit atorlugit ujaasisoqassaaq. Narsami ujaasinermi Issittumi Sakkutooqarfiup alapernaarsuutaa Hvidbjørnen ujaasinermi ikiuutissalluni.
Nunatta avannaani kujataanilu nammineq kajumissutsiminnik ikiuukkusuttut ujaaseqataapput, maannamulli suli iluatsittumik nassaartoqarani, taamaallaat Niaqornat eqqaani 26-nik ukiullip umiatsiaaraanit dunkit marluk nassaarineqarlutik.
- Ujaasinitsinnit allanik nassaanngilagut, taamaammat ujaasiffiusoq annertusissavarput, Lina Davidsen oqarpoq.
Politiit sumiiffinni marlunni ujaasinerannut ikiortaasinnaasumik takusaqassaguit takusaqarsimaguilluunniit politiit oqarasuaammut 701448-mut attavigineqarsinnaapput.
AAMMA ATUARUK Motoorit angivallaartut imigassallu atornagit
AAMMA ATUARUK Inunnik ujaasinerit marluk aallarteruttorput
