Politiit suli paasisaqanngitsut: Toqutsinermik suliami ullut sisamassaat paasiniaasut

Politiit Ilulissani paasiniaanerup ulluisa sisamassaanni nalinginnaasumit suli takussaanerupput.

Inuup timaata ilai marluk Ilulissat ikuallaavianni nassaarineqartut angutip timaaninngaanneerunartut, politiit ippassaq paasissutissiipput.

Toqutaasimasullu kinaassusersinissaa qanilliartortoq, politiit misissueqqissaarnermut immikkoortortaqarfiata pisortaa ullumi ilisimatitsivoq.

- Qanilliartortugut oqarusuppunga. Kinaassusersisinnaanissaanut isumalluarpugut. Suli tigussaasoqanngilaq, kisianni isumalluarpunga upperalugulu, Jan Lambertsen oqarpoq.

Politiit suliap naammassinissaanut innuttaasunit ikiorneqarnerunissartik anguniarlugu paasissutissiinerusinnaanersut aperineqarami ima akivoq.

- Naamik taama isumaqanngilanga. Siammasissumik nalunaaruteqartariaqartarpugut, tigussaanerusumik nalunaarutta ilanngussassaraluatsinnik allanik minitaqarsinnaavugut, Jan Lambertsen oqarpoq.

Aamma Danmarkimi ujaarlertut

Nunatsinni maqaasineqartunik ujarlernerup saniatigut Danmarkimi maqaasineqartunik ujarlerput.

- Aamma paasiniaavugut. Tamakkuaakua isertuuttariaqarigut, Jan Lambertsen oqarpoq.

AAMMA ATUARUK Fund af ligdele gør folk bange på gaden: Jeg vil ikke gå ud alene

Politiit suli tigusarinnisaqanngillat illoqarfimmilu suli oqaloqatiginneqattaasallutik.

- Inuit nalinginnaasumit ornillugit oqaloqatiginerusarpagut. Inuit paasinnittorujussuusut ikiuiniartupilussuusullu malugisinnaavarput. Pisimasoq qulaassagipput amerlasuunit pingaartinneqarpoq, Jan Lambertsen oqarpoq.

Politiit suliaq pillugu tusagassiortunik nalunaaqutaq 15:00 katersortitsissapput.