Politiit Tasiilami toqusimasunik marlunnik misissuisut

Kalaallit Nunaanni Politiinit oqaaseqartoqarneranik nutarterneqarpoq.

Inuit marluk toqungasut Tasiilami najukkami toqungasut sisamanngornermi ullup qeqqata missaani nassaarineqarput. Pineqartut tassaapput angut 59-it ukiulik arnarlu 57-inik ukiulik.

Kalaallit Nunaanni Politiit tusagassiuutinut nalunaarummi paasissutissiipput.

Kalaallit Nunaanni Poltiiit Danmarkimit pinerluttoqarsimatillugu misissuisartunit toqusoqarsimatillugulu misissuisartunit suliami ikiorneqassapput, taakku sapaatip akunnerata ingerlanerani tikinnissaat pilersaarutaavoq.

Politiit pasinartumik toqusoqarsimaneranik misissuillutik ippassaq oqaatigaat. 

KNR-ip pinerluttoqarsimanersoq ullumi apoeqqutigimmagu politiit tamanna uppernarsarsinnaanngilaat.

- Susoqarsimanera itinerusumik oqaaseqarfigisinnaanngilarput. Tasiilami innuttaasut sunnertisimangaatsiartut paasisinnaalluarparput, kisianni misissuileruttornerput oqaatigisinnaavarput.

- Pisumut atatillugu inunnik allanik akuusoqarsimaneranut takussutissaqanngilaq, Kalaallit Nunaanni Politiini politikommissæri, Malik Sandgreen oqarpoq.

Suliami suli misissuillutik toqungasullu marluk timaanik misissuineq utaqqillugu paasissutissiissutigaat.

- Toqusup timaanik misissuinerit pinerluttoqarsimatillugulu misissuisartut misssuinerisa toqusoqarnerani pissutsit erseqqissisissavaat, politiit allapput.

Kalaallit Nunaanni Politiillu Tasiilami innuttaasut immikkut ittumik iliuuseqarnissaanut pissutissaqanngitsoq tusagassiuutinut nalunaarummi allapput.