Politiit Qinngorpumut aqqusineq matugaat
Politiit Nuummi pingasunngornermi ulapputeqaat. Nunatsinni politiit KNR-imut ilisimatitsipput, Borgmester Anniitap Aqquserna Qinngorpumut angallaffiusoq matugitsik.
Politiit KNR–ip tusagassiortuanut pisoqarfiusumiittumut ilisimatitsipput, aqqusineq isumannaatsuunissaq peqqutigalugu matoqqatikkitsik.
- Aqqusineq isumannaatsuunissaq peqqutigalugu matoqqatipparput. Angummik, aallaammik imminut aallaaniarluni siorasaarisoqarpoq. Matoqqaatitsinerput qanittuani najugaqartut aqqusinernilu ingerlaartut isumannaatsuunissaannik peqquteqarpoq, Nunatta Politiivini iliuuseqarnermi aqutsisoq Karl Sværd KNR–imut oqarpoq.
Nummi Mittarfiup tungaanut aqqusineq mittarfiliorneq pissutigalugu matoqqammat, Qinngorpumut angallanneq tamarmi pingasunngornermi ullup qeqqata siorna uninngavoq.
Qinngutsinnut aqqusineq matoqqatinneqarunnaartoq, Kalaallit Nunaanni Politiit KNR-imut ullup qeqqanngitsiartoq ilisimatitsissutigaat.
Nutarterneqarpoq nal. 12:12