Politiit Nuummi aqquserngit quasaqisut mianersoqqussutigigaat
Nuummi aqquserngit ullaaq manna ima quasatsigaat, allaat politiit mianersoqqussuteqartariaqarlutik.
Mianersorisi. Aqquserngit quasaqaat, politiit ilisimatitsipput.
Allattoq Nicole Sander Bertelsen
marsip 01-at 2024 08:36
Nutserisoq Hanne Petersen
Nuummi aqquserngit ullaaq manna quasaqisut angallattunut tamanut mianersoqqussutigaavut. Kalaallit Nunaanni poliit taama ilisimatitsipput.
- Nuummi aqqusinikkut ingerlaartillutik ajutoortut arlaqaalulereerput, taamaammat mianersoqqusivugut, politiit pigaartuisa ningiuat Anette Ostenfeldt oqarpoq.
Biilertut pisuinnaallu mianersoqqugitik, taanna erseqqissaavoq.
- Aqquserngit quasaqimmata anoraasuartarmallu aqqusinermi angallanniarneq ilungersunarpoq, aamma biilertunut, taanna oqarpoq.
Bussit tamarmik ullaaq maanna aamma ingerlaarunnaarallartut, Nuup Bussii facebookiminni ilisimatitsipput.
