Aasianni ikuallanneq: Politiit misissuissasut
Ataasinngornermi unnukkut nalunaaqutaq 17.30 missaani Aasiaat innaallagissiorfiata eqqaani ikuallattoqalerpoq. Politiit qatserisartullu ornigupput, qatserisoqareermallu sullullit aqqutissaat ikuallassimasut ersarissivoq.
Tamanna pissutigalugu imermut imaarsaatit innaallagissiorfimmut pilersuisut nillarsarneqarsinnaasimanngillat, taamaattumillu ataasinngornermi unnukkut illoqarfik tamarmi sarfaaruttoq, Kalaallit Nunaanni Politiini sillimasoq Thomas Jeppsen oqaluttuarpoq.
Sullullit aqqutissaat ikuallannerannut suna pissutaanersoq paasiniarlugu politiit ikuallattoqarneranik marlunngornermi misissuissapput.
- Innaallagiaq allaluunniit ikuallannermut pissutaanersoq misissuinermi paasinarsissaaq, Thomas Jeppsen oqarpoq.
Taamaattumik suli annertunerusumik oqaaseqarsinnaasoqanngilaq.
Nalunaaqutaq 23.30 missaani innuttaasut sarfamik pilersorneqaqqilersut, politiit sillimasuat oqaluttuarpoq.
