Angutit marluk, inatsit tunngaviusoq naapertorlugu Eqqartuussisoqarfik Sermersuumi politiinit ullumi killisiorneqarput.
Angutit taakku Tasiilami Odin Mikiki ilisimanngitsoq nillorsimasorlu oktobarip qulinganni ukioq manna nassaarineqartoq, kingornalu Islandimut napparsimmaviliaanneqareernermini toqusoq pillugu toqutsisutut unnerluutigineqarput.
AAMMA ATUARUK Angut toqusoq pillugu politiit ilisimasaqarsinnaasunik ujaasisut
Politiit angutip nassaarineqarnerata kingorna angutip nassaarineqarnissaminut akunnerit kingulliit sumiissimaneranut ilisimannittussarsiulerput.
Politiillu ilisimannittussarsiornerat maanna inuit marluk unnerluutigineqarnerannik kinguneqarpoq.
Unnerluutigineqartup aappaa Tasiilami Ammassaliup Katersugaasivianut septembarip 30-ata oktobarillu aallaqqaataata akornanni aserorterisimasutut aamma unnerluutigineqarpoq.
AAMMA ATUARUK Politiit: Tasiilami Katersugaasivimmi annertuumik aserorterisoqarpoq
Katersugaasivimmi init saqqummersitallu aserorteriffigineqangaatsiarput.
Politiit suliamut atatillugu misissuisoqarnera pissutigalugu inatsit tunngaviusoq naapertorlugu ullumi killisiuinerat matoqqasuuvoq.
Taamaammat Kalaallit Nunaanni Politiit suliamut atatillugu allamik oqaaseqarusunngillat.
Isummersuutit