Politiit: Tasiilami Katersugaasivimmi annertuumik aserorterisoqarpoq
Tasiilami Politiit katersugaasivimmit tillittoqarsimanersoq suli ilisimanngilaat. Kisianni aserorterisoqangaatsiarsimasoq, politikommissærip ilisimatitsissutigaa.
![](/sites/default/files/styles/image_934x467/public/article_images/politi-tasiilaq.jpg?itok=UipMgsmK)
- Marlunngornerup unnuaani aserorterisoqarsimassangatipparput. Arlaannik tillittoqarsimaneranut takussutissaqanngilaq, kisianni tamanna qulakkeeqqanngilarput, Tasiilami politikommissæriugallartoq, Katrine Sandgreen oqarpoq.
Allattoq Malik Brøns
Tasiilap katersugaasiviani aserorterisoqarsimasoq Tasiilami politiit ullaaq arfineq-pingasunut nalunaarfigineqarput.
Politiit aserorterineq annertuutut nalilerpaat.
- Marlunngornerup unnuaani aserorterisoqarsimassangatipparput. Arlaannik tillittoqarsimaneranut takussutissaqanngilaq, kisianni tamanna qulakkeeqqanngilarput, Tasiilami politikommissæriugallartoq, Katrine Sandgreen oqarpoq.
- Arlaat katersugaasivimmeersunik takussaguni uagutsinnut saaffiginneqquneqarput.
Politiit oqarasuaammut 701448-mut attavigineqarsinnaapput.
Politiit arlalinnit attavigineqareersimasullutik ilisimatitsissutigaat, suliamulli atatillugu suli pasisaqaratik.