Assi: Pressefoto/Rigspolitiet

Angut toqusoq pillugu politiit ilisimasaqarsinnaasunik ujaasisut

Angut 42-nik ukiulik Tasiilameersoq Islandimi napparsimmavimmi tallimanngormat toquvoq.

Angut nillorsimaqisoq ilisimanngitsorlu Tasiilami napparsimmavimmukaanneqarsimasoq politiinut sisamanngornermi nalunaarutigineqarpoq.
- Ilisimanngitsunik nillorsimasunillu nassaartoqaraangat, pinerluttoqarsimanersoq misissorneqartuaannartussaavoq, politiit pigaartuisa pisortaat Julie Senderowitz Bendtsen oqarpoq.

Angut nillorsimaqigami Islandimi napparsimmavimmukaanneqarpoq.
- Nillorsimaqigami nakorsarneqartariaqarmat Tasiilamilu taama nakorsarneqarsinnaanngikkunarmat taamaattoqarpoq, Julie Senderovitz Bendtsen oqarpoq.

Angulli Islandimi napparsimmavimmi tallimanngornermi toquvoq.
Angut 42-nik ukiulik Odin Mikikimik ateqarpoq, angutillu pingasunngornerup sisamanngornerup akornanni sulerisimanersoq pillugu paasissutissiisinnaasunik takunnissimasunilluunniit politiit ujaasipput.
- Inuit Odin Mikikimik ilisarisimannittut, sulerisimaneranik ilisimannittut, sumiissimanersoq kikkunnillu ilagisaqarsimanersoq pillugit ilisimasaqartut attavigissavaatigut, pigaartut pisortaat oqarpoq.
Politiit angut silami qanoq ilisimajunnaarsimanersoq suli naluaat. Politiit pinerluttuliortoqarsimanersoq pinerluttuliortoqarsimannginnersorluunniit maanna oqaatigisinnaanngilaat.

Arlaannik ilisimasaqaruit Tasiilami politiinut sianissaatit normumut: 70 12 24.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat