Assi: KNR

Politiit ikuallattoqarneranut atatillugu tigusarisaqartut

Nuummi ikuallattoqareernerata kingorna inissiamik piginnittoq tigusarineqartoq, politiit nalunaarutigaat.

Nuummi illoqarfiup ilaani Qinngorpumi tallimanngornermi ullup-qeqqata tungaani ikuallanngaatsiartoqarpoq.

Ikuallattup inissianut pigineqartunut arlariinnut innarlerpai, Kalaallit Nunaannilu Politiit inissiat ilaannik piginnittoq tigusarineqartoq tusagassiutinut allapput.

AAMMA ATUARUK Inuit marluk napparsimavimmut unitsinneqartut

- Qanoq ikuallalersimaneranik misissuisoqarneranut atatillugu ikuallattoq aallartinneqarsimasinnaanera pasitsaanneqarpoq, taamaammat inissiamik piginnittoq tigusarineqarpoq pinerluttulerinermullu inatsimmik § 65-imik unioqqutitsisutut unnerluutigineqarluni, politiit allapput.

§ 65. Ikuallatsitsisutut eqqartuunneqassaaq kinaluunniit piaaraluni mianersuaalliorluniluunniit inuup allap illuutaanik ikuallatsitsisoq imaluunniit piaaraluni mianersuaalliorluniluunniit illumik nammineq pigisamik ikuallatsitsinikkut allat inuunerannik imaluunniit inuiaqatigiit pigisaannik naleqqortuunik navialisitsisoq. - Pinerluttulerinermi inatsit

AAMMA ATUARUK Nuummi Qinngutsinni inissiaq ikuallappoq

Inissiamik piginnittoq tigusarineqartoq Dronning Ingridip Napparsimmavissuani peruluttut inaanni uninngavoq, inuunerminilli navianartorsiunngilaq.

Ineqartoq alla napparsimmavimmi aamma uninngavoq, ineqartullu arlallit putsumit ipisaanngutitaaneq pillugu napparsimavimmi aamma misissortissimallutik.

Politiit aamma ilisimatitsissutigaat inissiami majuartarfiit ikuallattumit innarlerneqartut, inissiallu arlaqartut qatserisartut qamitsiniarnerannit imermik innarlerneqarnerarlugit. Qatserisartut qamitsiniarlutik sukkasuumik sulinerisa ikuallattup innarligai annikinnerupput, politiit allapput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat