Inuit marluk napparsimavimmut unitsinneqartut
Qinngutsinni inissiat ilaanni ikuallattoqarneranut atatillugu inuit marluk napparsimavimmut unitsinneqarput.
Allattoq Kenneth Elkjær
Nuup ilaani Qinngutsinni inissiat ilaat tallimanngorneq ullaap tungaa ikuallalerpoq. Inissiami inini najugaqartut arlallit Dronning Ingridip Napparsimavissuanukaanneqarput, amerlanerilli angerlaqqipput.
Politiilli pingaartuutitaat Kunuk Frederiksen KNR-imut oqarpoq inuit marluk putsumik iioraasimanertik pissutigalugu nakkutigineqartut suli napparsimavissuarmi uninngasut.
Ikuallannerup sumik aallaaveqarsimanera pillugu politiit tallimanngorneq ualisoq suli misissuipput, apersuinerit misissuinerillu ingerlanneqarlutik.
Unaaq 12-imi najugaqartut tamarmik utaqqiisaagallartumik allamut inissineqartut Kommuneqarfik Sermersuup upalungaarsimanermut pisortaa Knud Petersen ilisimatitsivoq.