Politiit: Erngup aqqutaani kissassaat ikuallannermi aallarniisoq
Ikuallannermut tunngatillugu tusarniagassat kingulliit politiit tusarniaaffigileruttorpai. Maannamulli paasisat aallaavigalugit, erngup kissartup aqqutaata kissassaataa ikuallannermut aallarniutaasoq. Nuummi najugaqarfimmi blok 23-mi ippassaq ualisoq naqqoq pujuliulertoq, politiit pigaartuisa pisortaat, Mads Lynge oqarpoq.
- Qatserisartut ikuallaffik misissuiffigaat, mississuinerminnillu paasisaat taamatut inerneqarput, pigaartup pisortaat oqarpoq.
AAMMA ATUARUK Nuummi Blok 23-mi naqqup-ataani ikuallattoq: Najugaqartut qimagussortinneqarput
Ikuallattoq unnukkut arfineq marluk missaani qaminneqarpoq, sioqqulluguli inissiami najugaqartut tamaasa qimagussorneqartut, pigaartoq oqarpoq.
Ikuallennermi inunnik ajoqusertoqanngilaq. Inulli ataaseq pujormik najuussisoorsimasinnaammat napparsimmavimmi misissorneqaraluarpoq, erngerlunilu angerlartitaaqqittoq, Mads Lynge oqarpoq.
- Inissiami blok 23-mi najugaqartut tamaasa qimagussorpagut, eqqaanilu najugaqartut igalavi matuilu matusimaannarnissaannik kaammattorlugit. Putsullu qanillattorneqannginnissaa aamma kaammattuutigalugu, pigaartoq oqarpoq.
Inissiami blok 23-mi najugaqartut amerlanerpaartaat maanna angerlartinneqaqqittut, Mads Lynge oqarpoq. Najugaqarfiilli ikitsunnguit putsumik ajoqusersimasinnanissaat misissorneqarmat allamut inissarsineqarallarput.