Politiit: Angut ujaarineqartoq ajungitsoq nassaarineqarpoq
Kalaallit Nunaanni Politiit angut 24-nik ukiulik Qasigiannguanit umiatsiaaqqamik Ilulissanukartoq sisamanngornermi siusinnerusukkut ujaaraat.
Angut umiatsiaaqqamik kisimiilluni Qasigiannguanit pingasunngornermi unnukkut qulit missaanni aallarpoq, akunnerlu ataaseq qaangiuttoq tikittussaagaluarluni. Angulli takuneqanngilaq.
- Taamaammat ernumasumik saaffigineqarpugut, ullaap tungaalu qulit qaangilaaraa ujaasinerminnik nassiussivugut, Kalaallit Nunaanni Politiit ullumikkut pigaartuisa pisortaat, Ole Hald oqarpoq.
Angullu nassaarineqarsimasoq taassuma aamma oqaatigaa.
- Angut naapipparput, navianartorsiunngilarlu. Angut ajunngilaq, taamaammat suliami allamik iliuuseqartoqassanngilaq.
Politiit Issittumi Sakkutooqarfik nalunaaruteqarfiginikuuaa, SAR-imillu ujaasineq aallartinneqanngitsorluunniit angut nassaarineqaqqippoq, pigaartut pisortaat oqarpoq.
