Politiit angut 19-inik ukiulik saassussisimasoq suli ujaaraat
Kalaallit Nunaanni Politiit 19-inik ukiulik, Minik Olinnguaq Konrad Olsen suli ujaaraat.
Politiit oqarnerat naapertorlugu taanna Sisimiuni decembarip 23-ani sakkortuumik saassussinermi kingorna tammarpoq.
- Kalerriutigineqartut tamarmik qujaruppagut, pigaartut pisortaat, Bent Johnsen KNR-imut oqarpoq.
Politiit ”atorneqarsinnaasunik” paasissutissartaqartunik suli saaffigineqanngillat. 19-inik ukiulik arfininngormalli nalunngisamini toqqoqqanersoq politiit naluaat – kisianni taamaattoqqassagaluarpat ujaarineqartumik toqqoqqatitsineq pillarneqaataasussaasoq pigaartut pisortaata erseqqissaatigaa.
Minik Olinnguaq Konrad Olsen 19-inik ukiulik, Sisimiuni Starlightip silataani decemberip 23-iani, nalunaaqutaq 03.15 missaani kingullermik takuneqarpoq.
Angut ima nassuiaatigineqarpoq 175 centimeterinik takissusilik, qernertunik nujalik, nerinnanngitsoq.
Ujaarineqartoq ulorianarsinnaasoq politiit nalilerpaat, taamaammat takusimagaanni imaluunnit sumiinneranik ilisimannikkaanni politiinut oqarasuaatikkut 701448-mut sianertoqassaaq.
