Aningasaqarnermut Naalakkersuisoq, Andreas Uldum.Assi: Paalu Møller/KNR

PolarOil: Uliap qanoq akikillitiginissaa naluarput

Uuliap nunatsinni akia qanoq appariartigissanersoq qaquguluunniit tamanna pissanersoq, naloninaatsumik maannangaaq. Oqaatigineqarsinnaanngitsoq, Nunatsinni nukissiuutinik uuliamillu pilersuiviup Polaroil-ip nalunaarutiginngilaa.

Aningaasaqarnermut Naalakkersuisoq Andreas Uldum tusagassiuutinut nalunaaruteqarluni ippassaq allappoq, uuliamut akitsuutit siunnersuutigineqartut innuttaasunut suliffeqarfinnulluunniit annertuumik nammagassiissutaassanngitsut, nunarsuarmi uuliamut  akigitinneqartut ukiormanna malunnartumik appariarsimanerat pissutigalugu.

Taamatut oqarneq pissusiviusunik tunngaveqarani ilimasunnermik aallaaveqarpoq.

Aamma atuaruk Nunatta karsiata amigartooruteqannginnissaanut siunnersuutit isumaqatigineqanngillat

Nunatsinni nukissiuutinik uuliamillu pilersuiviup Polaroil-ip  nalunaarutiginngilaa uuliap akia qanoq appariartigissanersoq aamma qaqugu tamanna pissanersoq, uuliamik pilersuivimmit taama oqartoqarpoq. 

- Namminersorlutik oqartussat tamanut paasissutississutigisartakkatsinnik allaanerusumik paasissutissiiffiginikuunngilarput taamaallaat uuliap akia piffissap ilaani apparumaatoq naatsorsuutigalutigu,
Ukiup tullianut akit qanoq ikkumaarnissaannik ilimasunnerput  paasissutissiissutiginikuunngilarput, Polar Oilimi pisortaq Tage Lindegaard oqarpoq.

Aningaasaqarnermut Naalakkersuisoq Andreas Uldum tussagassiuutinut nalunaaruteqarluni ippassaq allapoq,  Polaroilip uulia pisiarisaa kingulleq nappartamut ataatsimut akisusoq.

Aamma atuaruk Uldum: Uuliap akitsuuserneqarnissaa inuiaqatigiinnut akeqassanngilaq

Polaroil ukiup tulliani februaarip qaammataanni uuliamik pisiguni, uulia nappartamut ataatsimut akikinnerujumartoq nalunaarutigaa nunarsuarmi aapparsimammat

Uldummilli nassuerutigalugu erseqqissatigaa, Polaroil uuliamik upernaamut  pisiaqarnialerpat uuliamut nappartamut ataatsimut inaarutitut akigititassamik Naalakkersuisut ilisimasaqannginnerat.

Taamaattorli uulialerinerup iluani immikkut ilisimasaqartutut misissueqqissaarisartut tamarmik tupaallassapput uuliamut nappartamut ataatsimut akigititaq kingullermik Polaroilip uuliamik pisiaqarneratulli assinganik annertussuseqassappat, Uldum oqarpoq.

Uuliap liiterimut akiata appariarnissaanik  Uldumip ilimasuuteqarnera Polaroilimit isumaqatigineqarpoq.  

Aamma atuaruk VIDEO Uldumip naqissuserpaa: Nunatta karsiata amigartooruteqarnera tamanut sunniuteqassaaq 

Nunarsuarmi uuliap akiata piffissap ilaani appariarnissaa soorunalilmi  ilimasuutigaarput taannalu Kalaallit Nunaannut atuutilerlui, Polaroilimi pisortaq Tage Lindegaard oqarpoq  

Taassumali erseqqissaatigaa:
Uuliap akiata qanoq appariartitiginissaa nalunaarutigisinnaanngilarput aamma qaqugu tamanna pissanersoq, Polarilip pisortaa oqarpoq.

Polaroilimit oqaluttuarineqarpoq,  uuliamik nukissiuutinillu pilersuivik uulianik tuniniaasartunik assigiinngitsunik isumaqatigiissuteqartoq nunatsinni uuliap akiata qaffappallaannginnissaa qulakkeerniarlugu.
Tamatuma aamma malitsigisarpaa, nunarsuarmi uuliap akia apparpat nunatsinni atuisartunut tamanna taama annertutigisumik malunnaateqassaani.

Tamannalu kalaallit nunaanni atuisartunut ima kinguneqarpoq,   piffissami 2008-mi septemberip qaamataannit 2014-mi juulip qaammataata tungaanut  Danmarkimi akigitinneqartunut sanilliullu Kalaallit Nunaanni akikinnerulluni. Nunatsinni atuisartut  taamaalillutik 197 million kr-nik sipaaruteqarput.

Taamaakkaluartoq  uuliap akia siorna septemberip qaammaataanniit ullumikkumut nunatsinni danmarkimi akigitinneqartunit qaffasinneruvoq tassalu 35 million krnit nalinganut qaffasinnerummat.
Polaroilip pisortaataa erseqqissaatigeqqippaa, uuliap akiaa allangoriartorneranut aamma namminneq ilimasunnermminnik kikkunnut tamanut aamma pisortanut  paasissutissiineq ajorlutik.
 - Akit allannguuteqarnissaannik  KNI  sioqqutsilluni paasissutissiisarneq ileqqorinngilaa,  taamaattumik orsussap akia aappaagu qanoq ikkumaarnersoq oqaatigisinnaanngilarput, Polaroilip pisortaa  Tage Lindegaard oqarpoq

 

 

 

Isummersuutit


 

Pages