Polar Seafoodip niuernermik ukioq manna isumaqatigiissuteqartoqarnissaa isumalluaatigigaa
Naalakkersuisut Tuluit Nunaannut killilersugaanngitsumik isumaqatiginniuteqarnerata sapaatip akunnerata siuliani nalunaarutigineqarnera Polar Seafoodip isumalluarfigaa.
Nunarput raajanik qalipaajakkanik nioqquteqarnermi annerpaavoq, saarullinnillu tunisassiungaatsiartarluni, taamaammat niuernikkut isumaqatigiissuteqarneq tunisaqarnerulernermik kinguneqassaaq.
AAMMA ATUARUK Aalisartunut nutaarsiassaq pitsak: UK-mi killilersugaanngitsumik niuerneq pillugu isumaqatigiinniarnerit aallartipput
Siulersuisut siulittaasuat, Henrik Leth neriulluarluni taama oqarpoq. Taassuma Tuluit Nunaata EU-mit aninerata kingorna akitsuutitaqanngitsumik tunisaqarsinnaaneq maannamut killeqarsimasoq nassuiaatigaa.
- Pisassiissutigineqartut 5.600 tonsioqqooqaat, taakkulu novembarimi nungupput, taamaattumillu qaammatip aappaa avillugu Tuluit Nunaannut niuersinnaanngilagut, taamaaliussagutta 20 procentimik akitsuummik akiliisariaqalissagatta, Henrik Leth oqarpoq, pisassiissutillu ukioq manna 6.500 tonsimut qaffanneqarsimasoq oqaatigalugu:
- Aasartinnaguli naammassinaviarunanngilaq. Taamaammat niuernikkut isumaqatigiissuteqapallattoqarnissaa neriuutigaarput.
Akitsuusersugaanngitsut, kisianni…
Nioqqutissat Tuluit Nunaanni poortorneqassapput imaluunniit tuluit suliffeqarfiinut suliareeqqissinnaasunut tunineqartarput.
- Tassa imaappoq uagut Royal Greenlandillu nammineq poortuutissaatigut, Danmarkimiittut Tysklandimiittullu atorsinnaanngikkigut. Tassunga taarsiullugu Tuluit Nunaannut poortorneqartussanngorlugit nassiuttarpagut, tassanngalu poortorneqarsinnaallutik. Taamaalillutik nalinginnaasumik nammineq suliarisartakkagut suliarisarpaat, Henrik Leth nassuiaavoq.
Aalisakkeriviilli akitsuuteqanngitsunik assersuutigalugu raajanik qallersukkanik Tuluit Nunaanni nioqqutigineqarluartunik aamma tunisaqarsinnaapput.
- Brexitilli kingorna nioqqutissanik Tuluit Nunaannut eqqussiniarneq pappiararsornerujussuarmik pilersitsivoq, tamannalu pisariusorujussuulluni. Tamanulli taamaappoq, maliinnartariaqarpagullu.
Henrik Lethilli killilersugaanngitsumik niuernissamut isumaqatigiissut tunisassiornermut isumalluarnarnerarpaa.
- Niueqatigiinissamilli isumaqatigiissusiortoqarpat iluarnerussaqaaq, taamaalilluta nioqqutigerusutagut tamaasa Tuluit Nunaannut tunisinnaalissagaluaratsigit. Tamannali ukioq manna pinaviarunanngilaq, piaartumik isumaqatigiissusiornianngikkunik, tassa aasartinnagu isumaqatigiissusiunngikkunik.
Henrik Lethip tamanna piviusorsiornerunersoq naluaa neriupporli.
Niuernikkut isumaqatigiissut nunanut taakkununnga marlunnut iluaqutaassaaq
Niuernermik naatsorsueqqissaarnermut atuakkat ammartariaqanngillat ilisimassallugu Kalaallit Nunaat Tuluit Nunaannut annertunerujussuarmik tunisisartoq pisisarnerminit.
Taamaattumik aamma killeqanngitsumik niueqatigiissinnaanermik isumaqatigiissut erseqqissumik Kalaallit Nunaata soqutigisaanut iluaqutaassaaq.
AAMMA ATUARUK Polar Seafoodip maalaarutaa itigartinneqarpoq
Tuluit raajanik saarullinnilu mamarisaqaqisut atortakkaminnut naammattunik nammineq peqanngillat. Taamaattumik Tuluit Nunaanni nalinginaasumik atuisoq akitsuusiinikkut eqqorneqassaaq, tamatumalu aamma Kalallit Nunaat iluaqusersinnavaa.
- Taava akitsuusiissarput Så lægger de 20 procentinik taamalu atuisunut tulunnut akitsorsaataasunik. Tassunga atatillugu aperisoqarsinnaalluarpoq nammineq tamanna soqutigineraat. Taamaalilluni sunniutai illugiipput, siulersuisut siulittaasuat inerniliivoq.
Polar Seafoodip milliardinik nalilimmik tunisaasa 30 - 40 procentii Tuluit Nunaannut tunisinerupput.