Piujuaannartitsinissamik tunngaveqartumik ineriartortitserusuttut
-Avatangiisitta pitsanngorsartuarnissaat kikkuugaluaruttaluunniit akisussaaqataaffigigatsigu isuma-qatigiissutigisinnaavarput. Tamatumani Naalakkersuisut, Kommunit, suliffeqarfiit innuttaasullu ta-matta pineqarpugut. Namminersortummi qanoq iliuuseqarnissat pisortat utaqqiinnassanngilaat.
-Piujuaannartitsinissamik tunngaveqarluni ingerlatsinissaq pillugu Naalakkersuisut Kommunilu assigiimmik anguniagaqarput. Taamaattumik kommunip atuilluartuuffiunissaminik anguniagaanik Naalakkersuisut tapersersuinissaat pissusissamisuuinnassaaq. Inatsit pitsanngorsartariaqarnersoq arlariilluta oqaloqatigiissutigineratigut misissussavarput, taamaliornikkut atuilluarnissaq avatangiisinillu pitsanngorsaanissatigut kommunip innuttaasalu siunertaat piviusunngortinneqarsinnaaqqullugit, assersuutigalugu saviminikutigut kuuffissuaqarnikkullu akitsuusiisinnaanerit eqqarsaatigalugit, forklarer Miiti Lynge nassuiaavoq.
Qeqqata Kommunia 2020-mi piujuaannartitsinissamik tunngaveqarluni ingerlatsilersimanissani siunniussimavaa, kommunillumi tungaanit ukiuni arlalinni sulinitit pitsaasorpassuit ingerlanneqartarsimapput. Eqqakkanik immikkoortiterisoqartarpoq, puiaasanut qillertuusanullu immikkoortiteriveqarpoq, aamma Qeqqata Kommunia allarpassuartigut siuarsimaneruvoq. Borgmesterip Naalakkersuisut susassaqarfik pillugu pisortatigoornerusumik suleqatigilernissaat qilarnaarivaa.
-Issittoqarfik tamaat isigalugu Qeqqata Kommuniata siuttuunissaani soqutigisarivaa, tamannali taamaallaat Namminersorlutik Oqartussat tapersersuinerisigut anguneqarsinnaavoq, taamaattumik Naalakkersuisut tapersiinerat nuannaarutigeqaara. Eqqagassat imikkornerullu suliassartaasa saniatigut, avatangiisit eqqarsaatigalugit inigisani silaannaq, taamatullu aamma nukissiutit ataavartut, minnerunngitsumillu nunatsinni attaveqaatit eqqarsaatigivagut.