Pituffik pillugu suliniut ingerlalluartoq

Taamaalillunilu piiaanermik suliniutip siunissaa qulakkeerlugu. Ingerlatseqatigiiffimmi Dundas Titanium A/S, Bluejay Miningimit pigineqartoq, sioqqat ilmenitimik akullit piiarneqartut siulliit suliarinissaat pillugu isumaqatigiissuteqarpoq.

Pisortaq Roderick McIllree tusagassiorfinnut nalunaaruteqarluni taama allappoq.

Ingerlatseqatigiiffik taamaalilluni Ilmenitip tunisassiarineqarneranut misiligutissanik akoqanngitsunik suliaqarnissaminut maanna periarfissaqalerpoq.

Tamannalu tunisassiassap niuerfimmi soqutigineqalernissaanut ilaatigut aqqutissiuussissaaq suliniutillu siunissaa qulakkeerneqarluni.

- Pisisartut soqutiginnilersikkumallugit suliaqarneq maanna aallartipparput, aamma suliniut iluatsilluarsinnaassasoraara, Roderick McIllree taama oqarpoq.

Piaanerup nunaqarfiup inuerussimasup Moriusap eqqaani Steensby Landip qeqertaasaani sissami ingerlanneqarnissaa pilersaarutigineqarpoq. Sissammi sioraat qernertut ilmentimik ilaatigut qalipaasiornermut atorneqartartumik akoqartupilussuupput.

Sumiiffiik piiaaffigineqartussaq Pikialasorsuup ilaaniippoq, tassanilu arfiviit qilalukkallu qernertat uumasuupput. Nunarsuaq tamakkerlugu pinngortitaq pillugu suliniaqatigiiffik WWF tusarniaanermi akissuteqarluni ilaatigut piiaaveqarfimmut umiarsuit angallannerisa sukumiisumik misissuiffigineqarnissaat pisariaqartoq oqaatigisimavaa, miluumasut imarmiut akornusersuutinut malussarissuunerat pissutigalugu.

Piiaaviup ukiuni 30-ni inunnut 100-nut suliffissaqartitsisinnaanissaa naatsorsuutigineqarpoq