Piteraq tunup sineriaani ingerlaarpoq

Tasiilaq piteqqamik sakkortuumik pingasunngornermik eqqugaavoq, atuarfiit paaqqinnittarfiillu matuneqarput. Anorersuaq maanna Ittoqqortoormiunut annguppoq, meeqqallu atuartut angerlarsimaannarsiannaatitaallutik.
Sekundtimut 52 miiterit angullugit anorersuartoq ingerlaffigiuminaassinnaavoq. Assi © : Sigmun av Teigum, Malene Hansen Gray og Hjørdis Viberg
Perseq marlunngornermi takkuttoq pingasunngornermi sisamanngornermilu anorersuarnerani sumut tamaat siaruaappoq. Assi © : Sigmun av Teigum, Malene Hansen Gray og Hjørdis Viberg
Silaqqissimmat innuttaasut aputaajaallutik tallimanngornermi ulappupput. Assi © : Sigmun av Teigum, Malene Hansen Gray og Hjørdis Viberg
Anorersuarnerani inunnik ajoqusertoqanngilaq. Assi © : Sigmun av Teigum, Malene Hansen Gray og Hjørdis Viberg
Allattoq Merete Lindstrøm
januaarip 10-at 2020 15:18
Share to Facebook Share to Twitter Copy link Print
Nutserisoq Marie Kûitse

- Anoraa tamatumuuna sakkortoqaaq, Kommuneqarfik Sermersuumi Tasiilami immikkoortortaqarfimmi pisortaq Hjørdis Viberg oqarpoq.

Taassuma oqarnera naapertorlugu anoraa nillertitsinera ilanngullugu 34-nik issippoq.

Piterarnissaanut pingasunngornermi aarlerisaarisoqarmat Kommuni aalajangerpoq atuarfiit, paaqqinnittarfiit kommunimilu allaffii matoqqatinniarlugit. Silasiut malillugu aarlerisaarineq aallaavigalugu januaarip arfineq aappanniit qulaaluaa ilanngullugu matoqqatitsinissaq aalajangiuteqqaarneqaraluarpoq.

Anorili pingasunngornermi sakkukilleriarmat ulloqeqqa qaangersimatsiaraa kommuni facebook aqqutigalugu nutaamik nalunaarusiorpoq:

Sila erseqqarissiartulernera unerisimanerulerneralu peqqutigalugu atuarfiit, paaqqinnittarfiit kommunillu allaffii januaarip qulingiluaanni ammatinneqaannassasut nalunaarutigineqarpoq.

Piterarli allatut takkunniarsimavoq. Pungasunngornermi ualikkut unnukkullu anoraa sakkortusiartoqqilerpoq, anorlilerluni 30-nillu issilluni. Anoraalu aatsaat sisamanngornermi ualikkut sakkukilliartulerpoq, Tasiilamilu innuttaasut aputaajaasinnaanngorput.

- Piteqqap takkutinngitsiarnerani miiterip affaannik apivugut, piteqqallu sumut tamaat illoqarfimmut siaruaappa maagaliornartunngortillugu. Taamaammat inuit aputaajaallutik ulapputeqaat maani, Hjørdis Viberg oqarpoq, anorersuarneranili inunnik ajoqusertoqarsimanngitsoq aamma oqaatigaa.

Kommuneqarfik Sermersuup nittartagaani aamma atuarneqarsinnaavoq anorersuaq Ittoqqortoormiunut anngussimammat, atuarfiit, paaqqinnittarfiit kommunillu allaffeqarfii ullumi matoqqatinneqarput.

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Illuatungiliuttut USA-mik isumaqatigiissut pillugu isumaqatigiinngitsut

Ujaasineq: Thomas Jansen aamma Beathe Tobiassen takuigit?

Borgmesteri Ittoqqortoormiini mittarfiliortoqarnissaanik nalunaaruteqartoq

USA-p Kalaallit Nunaanni sakkutooqarfinni sulinera Danmarkimi naalakkersuisut ernummatiginngikkaat

Politiit ullormut nalunaarutaat: Arnaq Facebookikkut 5.000 koruuninik peqquserluffigineqarsimasoq

Aki-Matilda Høegh-Dam: Tamat oqartussaaqataanerat Inatsisartuni naammanngilaq