Pisortamik atorfinitsitsisoqaqqittoq
Pisortanngortussarlu tassaavoq Avatangiisinut Pinngortitamullu Naalakkersuisoqarfimmi pisortaasimasoq, Søren Stach Nielsen, taassumalu pisortaq Jan Thrysøe aggustip aallaqqaataani taarsissavaa. Sermitsiaq.ag taama allaaserisaqarpoq.
Søren Stach Nielsen qaammatini aqqaniliinnarni naalakkersuisoqarfimmi pisortaareerluni atorfimminit tunuarpoq.
Naalakkersuisoqarfinni pisortat soraartut ataatsimik ilaqqipput
Atorfimmut qinnuteqartut katillugit 38-iusimasut Kalaallit Illuutaanni siulersuisut ilisimatitsipput.
Søren Stach Nielsen Roskildep Universitetiani cand.techn.soc-itut ilinniagaqarpoq siornatigullu aamma inuusuttunut ulloq unnuarlu paaqqinnittarfimmik aallartisaaqataasimalluni. Søren Stach Nielsenip atorfininnissaata tungaanut Thue Christiansen pisortaagallassaaq. Pisortatut tunuartup Jan Thrysøep sunngiffimmini soqutigisani, viinnissanik naatitsineq, aallunneruniarlugu atorfimminit tunuarpoq.
Kalaallit illuutaat Aarhusimiittoq pisortartaartoq ippassaq aamma nalunaarutigineqarpoq.
Kalaallit Illuutaat Aarhusimiittoq nutaamik pisortartaarpoq
Atorfinitsitsisoqarneranut atatillugu Kalaallit Illuutaanni pisortaasut assigiimmik taaguuteqalerput. Aalborgimi pisortaq siornatigut 'aqutsisumik' taaguuteqartoq Aarhusimilu 'forstanderimik taaguuteqartoq siunissami pisortatut 'direktøritut' taaguuteqalissapput. Kalaallit Illuutaat sisamaasut taamaasillutik direktøreqalerput.
