Kalaallit Illuutaat Aarhusimiittoq nutaamik pisortartaarpoq
Tasiilap atuarfiani maanna pisortaasoq, Jørn Holbech, Kalaallit Illuutaanni Aarhusimiittumi oktobarip aallaqqaataani pisortanngussaaq.
Allattoq Martine Lind Krebs, Simon Uldum
Kalaallit Illutaata siulersuisui tusagassiorfinnut nalunaaruteqarlutik ullumi taama ilisimatitsipput.
Jørn Holbech qinnuteqartunit 49-sunit toqqarneqarsimavoq.
Jørn Holbech ilinniartitsisutut ilinniagaqarpoq, siornatigullu Hadstenip atuarfiani pisortap tulliatut atorfeqarsimalluni, Hjørringimi suliffeqarfimmi namminersortumi pikkorissaanermut pisortatut sulisimalluni 2006-imiillu Tasiilami Alivarpimmi pisortatut atorfeqarpoq.
Kalaallit Illuutaata maanna pisortaa, Svend Kolte, ukiuni 26-ni pisortatut atorfeqarsimavoq.
Kalaallit Illuutaat Aalborgimiittoq aamma nutaamik pisortassarsiuleruttorpoq.