Assi: Qeqqata Kommunia

Pisiffiup qullersaqarfiata Nuummut nuunneqarnissaa Hermannip uggoraa

Pisiffiup qullersaqarfiata Sisimiunit Nuummut nuunneqarnissaanik aalajangernermi, Sisimiuni suliffiit 15-it annaaneqarnissaat uggornarpoq.

Pisiffik A/S-ip siulersuisuini ilaasortaq Qeqqatalu Kommuniani borgmesteri Hermann Berthelsen taama oqarpoq, oqarlunilu taama aalajangernermi siulersuisut akornanni kisimi isumaqataasimanani.

- Taasinermi isumaqataannginninnut tunngavigaara, sulisut maani Sisimiuniittut pikkorissut maaniiginnarnissaat kissaatigigaluarakku. Sulisut maani illoqarfimmi inooqataaginnarnissaat aamma kissaatigigaluaqigakku tassa taasinermi isumaqataasimanngilanga, Hermann Berthelsen oqarpoq.

Pisiffiup qullersaqarfiata Sisimiuniit Nuummut nuunneqarnissaanut aalajangernermi tunngavigineqarpoq, sullissinermi qullersaqarfiup sulisuisa ataatsimoortinneqarnissaat. Taama oqarpoq Pisiffiup pisortaanera, Per Steen Larsen.

Aamma atuaruk Pisiffik Nuummut nuunneqassaaq

- Sisimiuni Nuummilu qullersaqarfitta allaffeqarneri pissutaalluni ulluinnarni aqutsinermut ajornartorsiutaavoq. Aalajangigassanik pingaarutilinnik aalajangiisoqassatillugu allatut ajornartumik tamanna oqarasuaatit aqqutigalugit pisarpoq. Tamakku ajornartorsiutit eqqarsaatigalugit, qullersaqarfiup ataatsimoortinneqarnera ilorraap tungaanut aallartinneqartussaassasoq qularutissaanngilaq, Per Steen Larsen oqarpoq.

Naalakkersuisut aalajangiussisariaqalerput

Nunatsinni suliffeqarfiit ilaatigut Oqartussanit pigineqartut, sumiinnissaannik Naalakkersuisut sukumiinerusumik aalajangiussisariaqalersut, Qeqqata Kommuniani borgmesteri kajumissaarivoq.

- Neriuutigaara Naalakkersuinikkut suliallit, Nuup avataani illoqarfinnut allanut oqartussat suliffeqarfiutaannik inissisimasoqarnissaa eqqarsaatigumaaraat. Taamaalilluni suliffeqarfiit tamarmik Nuummiisinneqannginnissaat anguneqassammat.

Aamma atuaruk Nersornaat sølviusoq borgmesterimut tunniunneqarpoq

Tamannalu anguneqassappat politikerit piumassuseqarluarnissaat kisimi apeqqutaaginnartoq, Hermann Berthelsen oqarpoq imalu nangilluni.

- Suliffeqarfiit namminersortut sumiinnissaannik aalajangernerinut tunngatillugu, soorunami taakku akuleruffigiuminaapput kisianni, Namminersorlurtik Oqartussat suliffeqarfiutaasa sinerissamut siammarneqarnissaat tamaviaarunneqalertariaqarpoq. Hermann Berthelsen oqarpoq erseqqissarluagulu Pisiffiup qullersaqarfiata Sisimiuniit Nuummut nuunneqarnissaanik aalajangernermi siulersuisuni kisimiilluni isumaqataasimannginnami.

Suliffiup namminersortuunera ataqqisariaqarpoq

- Pisiffiup qullersaqarfiata Nuummuut nuunneqarnissaa pillugu siulersuisut aalajangernerannut uanga tamanna isumaqataaffiginagu oqarpunga. Suliffiilli namminersortut namminneq piumasaat ataqqisariaqarmat, nuussiniarneq akueriinnartariaqarsimallugu. Pisiffik A/S-ip siulersuisuini ilaasortaq aamma Qeqqata Kommuniani borgmesteri, Hermann Berthelsen taama oqarpoq.

Danskit suliffeqarfissuanit Dagrofamit Pisiffik annertunerpaamik pigineqarpoq tassa piginneqataassutit 86 procentiinik piginneqataalluni. Allat piginneqataasut tassaapput Pisiffimmi sulisut aamma Namminersorlutik Oqartussat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat