ASSIT Nersornaat sølviusoq borgmesterimut tunniunneqarpoq

Qeqqata Kommuniani borgmesteri, Hermann Berthelsen, Nersornaammik sølvemik nersornaaserneqarpoq, tamanna Sisimiuni kulturikkut illorsuarmi Taseralimmi ippassaq juulip quligani tunniunneqarluni.
juulip 11-at 2015 16:06

 

Hermann Berthelsenip inuiaqatigiinni politikkikkut ukiorpassuarni ingerlatsinermi peqataasimanera, Inatsisartut siulittaasuata, Lars-Emil Johansenip, Inatsisartut Siulittaasoqarfiat sinnerlugu oqalugiarluni nersornaasiinermini tunngavilersuutigai.

 

Inuiaqatigiit pitsaanerusumik ingerlanneqarnerat soqutigisaraat

- Inuiaqatigiit ingerlateqqinneqarnissaannut politikkikkut ukiorpassuarni soqutiginnissimanerit sulilu soqutiginninnerit aammalu ineriartorneq ilutigalugu, inuiaqatigiit pitsaanerusumik ingerlanissaannut suleqataanissamut piumassuseqarlutillu soqutiginninnerit pillugu, Siulittaasiqarfiup sølviusumik nersornaaserpaatit, Lars-Emil Johansen oqarpoq imalu nangilluni.

 

Inuusuttunnguullutilli politikkikkut sulilerputit

- Inuusuttunnguullutit politikkikkut ingerlatsinerit, Siumut inuusuttaanni 1982-imi siulittaasunngoravit aallarnerpat, tamatumalu kingorna kommunalbestyrelsemut 1983-imiilli ilaasortanngorputit aamma tamatuma kingorna Sisimiunut, ullumikkut Qeqqata Kommuniusumut borgmesterinngorlutit sulilu ulloq manna tikillugu borgmesteriullutik, Inatsisartut siulittaasuat, Lars-Emil Johansen nersornaasiinermini tamma oqalugiarpoq.