Assi: Pisiffik

Pisiffik Nuummut nuunneqassaaq

Pisiffiup qullersaqarfia Sisimiuniit Nuummut nuunneqassaaq. Taamaaliornermi Pisiffimmi qullersat ataatsimoortinneqarnissaat siunertaalluni, Piasiffimmi pisortaaneq taama oqarpoq.

 

Qullersaqarfiup ukiorpassuarni Sisimiuniinnera eqqarsaatigalugu, tamassuma nuunniarneqarnissaanik aalajangerneq oqittuinnaanngitsoq, Pisiffiup pisortaanera, Per Steen Larsen oqarpoq.

 

- Sisimiut qimannialernera oqittuinnaanngilaq tassami ukiorpassuarni Sisimiuni qullersaqarfeqarnerput nuannaarutigisimavarput tassani innuttaasut suleqatigilluarlutigit, tassalu tamanna eqqarsaatigalugu aalajangerneq oqittuinnaasimanani.

 

Per Steen Larsen oqarpoq erseqqissarlugulu, Sisimiuni Pisiffik pisiniarfittut ingerlaannassammat qullersaqarfiinnarli Nuummut nuunneqartussaasoq oqarluni.

 

Sulisunut pitsaaneq qinerneqarpoq

Qullersaqarfiup nuunneqarnissaanik aalajangernermi tamannarpiaq eqqarsaatigilluareerlugu aalajangernerusoq, Per Steen Larsen oqarpoq.

Taamatullu aalajangernermi Pisiffimmi sulisunut suna pitsaanerunersoq eqqarsaatigilluarneqarsimasoq taanna aamma oqarluni.

 

- Sulisut ataatsimoortinneqarnissaat pingaaruteqarpoq, Nuummilu allaffeqareeratta Nuummi sulisut ataatsimoortinneqarnissaat aalajangiussimallutigu, Per Steen Larsen oqarpoq.

 

Sisimiuni Pisiffiup qullersaqarfiani allaffiit atorneqartut KNI-p allaffeqarfianit attartugaapput, naak suliffeqarfiit taakku marluk 2001-mili avissaartinneqarlutik immikkut tamarmik suliffeqarfiugaluartut. Ininik attartonermi Pisiffiup siunissaa eqqarsaatigalugu aaqqiinerusimanngitsoq, Per Steen Larsen aamma oqarpoq.

 

Sulisut katersuutsinneqassapput

Pisiffimmi allaffissornikkut sulisut ilaat Nuummi, Nuuk Centerimi ukiuni kingullerni allaffeqartinneqarput sulisut sinneri Sisimiuniillutik. Suleqatigiillu imminnut ungasinneri ajornartorsiutaasimavoq.

 

- Sullissinitsinni allaffeqarfinni sulisut immunnut ungasinneri ulluinnarni ajornartorsiutaagaatsiarsimavoq. Aalajangigassanillu annertuunik pisoqartillugu allatut ajornartumik tamanna oqarasuaatit aqqutigalugit pisarluni. Taamaattumik sulisut inimi ataatsimoortikkaanni oqilisaataassaaq annertooq, Pisiffiup pisortaanera, Per Steen Larsen oqarpoq.

 

Pisiffiup Sisimiuni qullersaqarfiata tamakkiisup nuunneqarnissaa, 2015-p naalernarani aallartissaaq naatsorsuutigineqarlunilu aappaagu marsip naalernerani naammassineqareersimanissaa.

 

Aappaagu marsimi nuunneqareerimassaaq

Pisiffiup Sisimiuni allaffeqarfiani sulisut ullumikkut 15-iupput. Taakku Nuummut nuunnissaannik neqeroorfigineqassasut naatsorsuutigineqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat