Pisiffik en milliardinik kaaviaartitaqarpoq
Tamanna Pisiniarfiliuteqatigiiffiup tusagassiutinut ullumi nalunaarutaani atuarneqarsinaavoq.
Pisiffimmik piginnittut maajip quligani ataatsimeersuarput, 2015-imilu ukiumoortumik nalunaarusiaq tassani akuersissutigineqarpoq. Kaaviiaatitat 2015-imi 1 milliard 5 millioniot koruuniupput. Taakkua 2014-imut sanilliullugit 5 procentimik amerlanerupput.
Ukiumut angusat erniat, naleerutsitsinerit akilersukkallu peereernagit 62,8 millionit koruuniupput, tassalu Pisiffik siornamut sanilliullugu 7 procentinik angusarissaarneruvoq.
- 2015-mi Pisiffiup nukittorsarsimavai suliffeqarfiup immikkoortortaqarfii pingaarnerit, ussassaarinikkut aammalu akinik ukkataqarnikkut Pisiffiup tigumiinnarpaa tuniniaanermi inissisimanini nunatsinni, aammalu angusimallugu oqaluttuarisaanermi aningaasatigut anguniartuakkani, pisortaaneq Per Steen Larsen allappoq.
Aamma atuaruk Niuertarfiit pioreersut unammillernissaq qilanaaraat
Aamma atuaruk Pisiffik milliardimik kaaviiaartitaqarnini malunnartinniarlugu kaffillertoq
Pisiffiup elektronikkinik pisiniarfik Nuummiittoq NotaBene aamma iluarsaasarfeqartoq 2015-imi pisiaraa. taava aamma atortorissaarutinik innaallagiatortunik pisiniarfimmik Elgigantenimik Ilulissani ammaavoq.
Pisiffimmi pisiniartartunut ilaasortaaffiannut BonusiClub-imut ilaasortaasinnaasut 95 procentii 2015-imi ilaasortaasut, pisiniarfiutileqatigiiffik allappoq, taakkununngalu akikilliliissutit 11 millionit koruuniupput.
Taava amma amerlasuukaannik pisiniartarfimmik KK Engros-mik kisimiilluni piginnittuulerpoq.
Pisiffik 2015-p naanerani sulisui 628-upput, ilaat ulloq naallugu ilaallu ullup ilaanna sulisut.
