Pisiffiup viinnit Afrikameersut nioqqutigiunnaarai

Niuertarfiit Pisiffik aamma SPAR Sydafrikami viinninik tunisassiorfiup Robertson Wineryp viinnit tunisassiai niuertarfimminit peerpaa,  suliffeqarfimmi  Robertson Winerymi sulisunut atugassarititaasut isornartoqarmata.

Pisiffiup pissuserissaarnissamut malittarisassaanut naapertutinngillat, atugassarititaasut code of conduct-inik taatuugeqartunut  naapertuutinngimmata, tamannalu Pisiffiup nioqqutissanik piniartarfianit tamanit atsiorneqartarpoq.

Suliffeqarfiup Robertson Wineryip, Afrikap Kujataaniittup sulisuisa isornartumik atugaqartinneqarneri pillugit tusagassiorfinni
ulluni kingullerni sammineqarpoq aamma TV-ikkut piviusulersaarusiami "Bitre Druer - slaveri i vinmarken" Viinniliorfimmi inussiaataaneq, DR 2-mi sisamanngornermi unnukkut takutinneqarpoq.

Taannalu tunngavigalugu Pisiffik aalangerpoq viinnit nioqqutissiorfimmeersut Pisiffiup aamma SPARip pisiniarfiiniittut tamaasa piissallugit.

Pisiffik nioqqutissianik tuniniaarusunngilaq, nunarsuaq tamakkerlugu inuit pisinnaatitaaffiinik, sulisullu
pisinnaatitaaffiinik kiisalu avatangiisimik eriaginninnermi maleruagassaannik nioqqutissiornerminni
unioqqutitsisunit, Pisiffik tusagassiuutinut nalunaaruteqarluni taama allappoq.